Maroêd (op huhdütsch sääht me Merode) es en Dörp en de Jemeende Langêweh em Krees Düre, NRW. Et jehüürt zer aale Häêschaff Maroéd, die doavan och iêh Noam hätt.

Marôed jehüürt zer Jemeende Langêweh on hätt em Joar 2019 onjefähr 690 Enwonne jehott.^[1] Et es 7,68 km² jruß on ligg 144 m övve de Meeresspeejel.

Maroêd es de beröhmteste Oêtschaff en de sujenannte "Häêschaff", die zoademm och uss de Dörpchere Schlesch, Jejch, Orrejejch, Ääks, Kotzedörp on Doê besteeht. Dat Dörp es äng met demm Adelshuus van Marôed verbonge, die desweeje och iêhre Noam hann. Van denne Maroêdsche Fürste dat Schloss steeht noh emme aan de Krözhäêrestroaß, aan de Usslööfer vamm Hüêtschewald.

Em zweide Weltkreech woê Marôed aan de Frongklinie em Hüêtschewald, woa van 1944 bes 1945 en jruße Schlaaht jetovv hätt.

1969 wodd et Dörp noah Dôe eenjemengk,^[2] wat ävve selefs wedderom 1972 noah Langêweh eenjemengk wodd.

De Noam Marôed kütt vamm ahlhuhdütsche Woêt Rode, wat övvesäätz suvell wie Rodung heesch (verjl. Oêtsnoame met -rath/-roa, wie z. B. Kirchroa of Herzeroa).

• Jean Philippe Eugène de Merode-Westerloo (1674–1732), bäljischer Jeneral
• Bernardus Wettstein (1686–1745), Altarist on Fröhmessner am St. Georgsaltar zu D’horn, Kaplan aan't Kapellche en Jejch, Provisor vamm Spital zo Jejch, Rentmeister van de Jrafe van Marôed, Erbauer van de ahl Vikarie en Schlesch on Initiator van de Wettstein-(Familien-)Stiftung.
• Josef Gerhards (1890–1985), Liêhre, Jrönder vamm Iêhrefreedhauf „Marienbildchen“, Träjer vamm Bondesverdengskröz
• Paolo Enrico Massimo Lancellotti, Principe di Prossedi (1911–2004), italienischer Diplomat, Jeneral-Statthalter vamm Riggeoêde vamm Hellije Jraav zo Jerusalem
• Joseph Krieger (1931–2003), Ohm vam Günter Krieger, Maler
• Günter Krieger (* 1965), Autor van de Maroêd-Trilojie
• Stephan Thiemonds (* 1971), Reiseschrivvsteller, Servicetechniker, Autor van de Querweltein Unterwegs Boochrieh

1. ↑ Einwohnerzahlen 31. Dezember 2019
2. ↑ Martin Bünermann: Die Gemeinden des ersten Neugliederungsprogramms in Nordrhein-Westfalen. Deutscher Gemeindeverlag, Köln Schablon:Datum, S. 97.