Қазақстан Республикасының тәуелсіздігіне 30 жыл медалі
Мемлекет	Қазақстан
Түрі	Медаль
Жағдайы	беріледі
Негізделді	17 мамыр 2021 жыл

«Қазақстан Республикасының Тәуелсіздігіне 30 жыл» мерекелік медалі — Қазақстан Республикасы Президентінің 2021 жылғы 17 мамырдағы №575 Жарлығымен бекітілген Қазақстан Республикасының мемлекеттік наградасы.^[1]

Мерекелік медальді Қазақстан президенті тапсырады. Наградталған адамға медальмен қоса белгіленген үлгідегі куәлік табыс етіледі.

Медаль салтанатты түрде марапатталатын адамның жеке өзіне тапсырылады.

Мерекелік медаль сол жақ омырауға тағылады. Қазақстан Республикасының мемлекеттік наградалары болған жағдайда олардан кейін орналасады.^[2]

"Қазақстан Республикасының Тәуелсіздігіне 30 жыл" мерекелік медалі диаметрі 34 мм дұрыс шеңбер нысанында болады.

Мерекелік медальдің бет жағында (аверсінде) "ҚАЗАҚСТАН ТӘУЕЛСІЗДІГІНЕ 30 ЖЫЛ" деген жазу орналасқан. Мерекелік медальдің төменгі бөлігінде ұлттық ою-өрнек бейнеленген.

Мерекелік медальдің сыртқы бетінің (реверсінде) ортаңғы бөлігінде төрт жол етіп "ҚАЗАҚСТАН РЕСПУБЛИКАСЫНЫҢ ТӘУЕЛСІЗДІГІНЕ 30 ЖЫЛ" деген жазу жазылған. Жазудың төменгі және жоғарғы жағында ұлттық ою-өрнек элементтері орналасқан.

Медальдағы бейнелер мен жазулардың бәрi де бедерлi, алтын түстес. Аверс пен реверс беті күңгірт.

Мерекелік медаль сары түсті металдан (жезден) жасалады.

Мерекелік медаль құлақша мен шығыршық арқылы Қазақстан Республикасының Мемлекеттік Туы түстес қатқыл лентамен қапталған ені 32 мм және биіктігі 50 мм тағанға жалғанады. Лентаның ортасында ені 5 мм тік сары жолақ өтеді, оның шеттері ені 2 мм қызыл түсті жолақтармен жиектелген.

Мерекелік медаль киімге визорлы бекіткіші бар түйреуіш арқылы бекітіледі.

• "Қазақстан Республикасы Тәуелсіздігінің 30 жылдығы құрметіне арналған мерекелік медаль туралы" Қазақстан Республикасының Президенті Жарлығының жобасы туралы

Қазақстан марапаттары   Қазақстанның ордендері Халық қаһарманы • Қазақстанның Еңбек Ері • Алтын Қыран • Отан ордені • Назарбаев ордені • Даңқ ордені • Айбын ордені • Парасат ордені • Достық ордені • Құрмет ордені • Барыс ордені • Еңбек Даңқы ордені • Ел Бірлігі ордені Орден мәртебесі бар алқалар • Алтын алқа • Күміс алқа   Қазақстан медальдары Жауынгерлік epлiгi үшін медалі • Ерлігі үшін медалі • Ерен еңбегі үшін медалі • Шапағат медалі • Халық алғысы медалі • Астана медалі Мерекелік медальдар • Қазақстан Республикасының тәуелсіздігіне 10 жыл медалі • Қазақстан Республикасының Қарулы Күштеріне 10 жыл медалі • Қазақстан темiр жолына 100 жыл медалі • 1941-1945 жж. Ұлы Отан соғысындағы Жеңіске 50 жыл мерейтойлық медалі • Қазақстан Конституциясына 10 жыл медалі • Қазақстан Республикасының парламентіне 10 жыл медалі • 1941-1945 жж. Ұлы Отан соғысындағы Жеңіске 60 жыл мерейтойлық медалі • Тыңға 50 жыл медалі • Астанаға 10 жыл медалі • 1941-1945 жж. Ұлы Отан соғысындағы Жеңіске 65 жыл мерейтойлық медалі • Қазақстан Республикасының тәуелсіздігіне 20 жыл медалі • Қазақстан Республикасының Қарулы күштеріне 20 жыл медалі • Теңгеге 20 жыл медалі • Қазақстан халқы Ассамблеясына 20 жыл медалі • Қазақстан Конституциясына 20 жыл медалі • Қазақстан Республикасының Тәуелсіздігіне 25 жыл медалі • Астанаға 20 жыл медалі • Қазақстан Конституциясына 25 жыл медалі • Қазақстан Республикасының Тәуелсіздігіне 30 жыл медалі   Қазақстан құрметті атақтары Қазақстанның еңбек сіңірген қайраткері • Қазақстанның ғарышкер-ұшқышы • Қазақстанның еңбек сіңірген ұстазы • Қазақстанның халық әртісі • Қазақстанның халық жазушысы • Қазақстанның еңбек сіңірген дәрігері