Координаттар: 29°36′31″ с. е. 52°32′54″ ш. б. / 29.6086139° с. е. 52.5485083° ш. б. / 29.6086139; 52.5485083 ^{(G) (O) (Я)} Үлгі:Infobox religious building Насыр әл-Мүлк мешіті (парсы: مسجد نصیر الملك‎) Шираз қаласының ең атақты мешіттерінің бірі болып табылады. Ол қаланың ортасында орналасқан. Бұл мешітті Қаджарлар кезінде Шираз қаласының әйгілі тұлғаларының бірі Мырза Хұсейнали Хан Насыр әл-Мүлк салғызған. Бұл мешіттің ауласы кең. Онда солтүстік және оңтүстікте екі веранда, батыс пен шығыста екі намаз оқитын жер (шабестан), безендірілген кіре беріс есігі мен төбесі жабылған бір галерея бар. Насыр әл-Мүлк мешіті кафельдеу тұрғысынан Ирандағы ең әдемі мешіт болып саналады. Ғимараттың әрбір қабаты өсімдік суреті салынған жеті түсті кафельмен көмкерілген. Гүл мен бұта салынған кафельдер, әртүрлі түсті пайдаланып салынған аңдардың суреттері Қаджарлар дәуіріндегі кафель жасаушылардың шеберлігін көрсетеді.

Машир әл-Мүлк мешіті Қаджар дәуірінен қалған тағы бір ескерткіш болып табылады. Ол Шираз қаласының ескі бөлігінде орналасқан. Бұл мешіт Фарс облысы билеушісі Хадж мырза Абулхасанхан Машир әл-Мүлктің бұйрығымен салына бастады да, х.қ.ж.с.б. 1274 жылы аяқталды. Машир әл-Мүлк мешіті архитектуралық құрылысы мен беріктігі жағынан Шираздың Уәкіл мешітіне ұқсайды. Бұл мешіттің михрабы өте әдемі кафельмен көмкерілген. Сондықтан ол Қаджар заманындағы ең әдемі мешіттердің бірі болып саналады.

Үлгі:Iran-struct-stub Үлгі:Mosque-stub