Елек
Уикипедия — ашық энциклопедиясынан алынған мәлімет
| Елек | |
|---|---|
 Елек өзені | |
| Сипаттамасы | |
| Ұзындығы | 638 км |
| Су алабының ауданы |
13 200 км² |
| Су алабы | Жайық |
| Су ағысы | |
| Бастауы | Мұғалжар тауы |
| • Координаттары | 49°30′ с. е. 57°25′ ш. б. / 49.500° с. е. 57.417° ш. б. (G) (O) (Я) |
| Сағасы | Жайықтың сол жағы |
| • Координаттары | 51°30′35″ с. е. 53°22′08″ ш. б. / 51.50972° с. е. 53.36889° ш. б. (G) (O) (Я)Координаттар: 51°30′35″ с. е. 53°22′08″ ш. б. / 51.50972° с. е. 53.36889° ш. б. (G) (O) (Я) |
| Орналасуы | |
| Ел | Ресей, Қазақстан |
Елек, Елік – Жайық алабындағы өзен.
Географиялық орны
[өңдеу | қайнарын өңдеу]Ресейдің Орынбор облысы жерімен және Қазақстанның Ақтөбе (Алға, Ақтөбе, Мәртөк аудандары), Батыс Қазақстан (Бөрлі ауданы) облыстары жерімен ағып өтеді. Су жиналатын алабы 41,3 мың км . Ұзындығы 623 (Жарықты саласын қоса есептегенде 699) км.
Бастауы
[өңдеу | қайнарын өңдеу]Мұғалжар тауының батыс бөлігіндегі Бестөбе сілемінен қос тармақ болып басталады да, Жарсуат аулының тұсында Жайыққа сол жағынан құяды.
Гидрологиясы
[өңдеу | қайнарын өңдеу]Қар және жер асты суымен толығады. Жылдық су ағындысының 60-85%-і көктемгі, қысқы мерзімде ағып өтеді. Арнасы бастауында енсіз (20- 30 м), тік жарлы келеді, орта ағысындағы арнасы (Ақтөбе қаласы тұсында) 150-170 м-ге дейін жетеді. Онда тоғай, шалғын өседі. Електің 75 саласы бар, ірілері - Қобда (Үлкен Қобда), Көктөбе, Табантал, Қарғалы, Сазды, Таныберген. Жылдық орташа су ағыны 3- 21 м /с, Шілік aуылы тұсында 37,9 м³/с. Суының тұздылығы 1,2-1,7 г/л аралығы. Қараша-сәуір айлары аралығында мұз қатады. Өзенде жайын, көксерке, ақмарқа, табан, сазан, алабұға, тыран, аққайран, бекіре, қарабалық бар. Суы өнеркәсіп орындарында пайдаланылады.[1][2]
Дереккөздер
[өңдеу | қайнарын өңдеу]- ↑ Батыс Қазақстан облысы. Энциклопедия. — Алматы: «Арыс» баспасы, 2002 жыл. ISBN 9965-607-02-8
- ↑ “Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9
| ||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
