Асхат Тағыбергенұлы Тағыберген
Уикипедия — ашық энциклопедиясынан алынған мәлімет
Асхат Тағыберген  | ||||||||||||||||||||||||||||||||||||||||
| Жалпы мағлұмат | ||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Туған күні | ||||||||||||||||||||||||||||||||||||||||
| Туған жері | ||||||||||||||||||||||||||||||||||||||||
| Азаматтығы | ||||||||||||||||||||||||||||||||||||||||
| Бойы |
178 см | |||||||||||||||||||||||||||||||||||||||
| Салмағы |
75 кг | |||||||||||||||||||||||||||||||||||||||
| Позиция |
жартылай қорғаушы | |||||||||||||||||||||||||||||||||||||||
| Клуб жайлы ақпарат | ||||||||||||||||||||||||||||||||||||||||
| Клуб | ||||||||||||||||||||||||||||||||||||||||
| Номері |
8 | |||||||||||||||||||||||||||||||||||||||
| ||||||||||||||||||||||||||||||||||||||||
Асхат Тағыбергенұлы Тағыберген (9 тамыз 1990[1], Қызылорда, Қазақ КСР) — қазақ футболшысы, жартылай қорғаушы. Қазақстан Ұлттық футбол құрамасы мен "Ордабасы" футбол клубының ойыншысы.
Карьерасы
[өңдеу | қайнарын өңдеу]Клубтық
[өңдеу | қайнарын өңдеу]Қызылода футболының түлегі. Кәсіпқой карьерасын 2008 жылы 18 жасында "Қайсар" клубында бастады. 17 мамырда "Ертіске" қарсы ойынның 75-минутында тұңғыш Қазақстан чемпионатында алаңға шықты. Бұл ойында ескерту алды. 2011 жылы 30 сәуірде "Ордабасының" қақпасына тұңғыш голын соқты, бұл ойында "Қайсар" 1:2 есебімен ұтылып қалды. Екінші голын да 8 маусымда "Ордабасы" қақпасына енгізді, бұл жолы матч тең аяқталды — 1:1.
"Қайсар" сапындағы соңғы ойынын 30 қазан күні "Ақтөбеге" қарсы өткізді.
2012 жылы "Қайсардың" бұрынғы бапкері Владимир Никитенко "Ақтөбеге" шақырды. Клуб сапында бірнеше жаңа белестерді бағындырды: 2013 жылы Қазақстан чемпионы атанды, сол жыл еурокубоктарда ойнады, 2014 жылы ұлттық құрамаға шақырту алды. Тіпті 2014/15 жылғы Еуропа лигасының іріктеуінде Арменияның "Гандзасар" клубының қақпасына гол да соқты.
2016 жылдың басына "Астанаға" ауысты. Сол жылы клуб сапында 26 матчта алаңға шығып, екінші рет ел чемпионы атанды.
2017 жылы жарты жылға "Тобыл" клубына жалға берілді.
2018 жылы туған клубы "Қайсарға" қайта оралды. "Қайсар" сапындағы тұңғыш ойынын 11 наурызда "Ақтөбеге" қарсы өткізді, 2012 жылы клубтан кетерде де соңғы ойынды "Ақтөбеге" қарсы ойнаған-ды.
2021 жылдың басында "Тобылға" ауысты. "Тобыл" сапындағы тұңғыш ойынын 3 наурыз күні "Қайрат" клубына қарсы өткізді, бұл Қазақстан суперкубогы болатын. Матчта Асхат есеп ашты, ойын 3:3 есебімен тең аяқталды. Матч соңындағы пенальтилер сериясында да өз мүмкіндігін бос жібермеді де, "Тобыл" финалға шықты. Турнир қорытындысында "Тобыл" жеңімпаз атанды.
Ұлттық құрама
[өңдеу | қайнарын өңдеу]2011 жылы 3 маусымда Румынияға қарсы ойында Қазақстан жастар құрамасы сапындағы тұңғыш ойынын өткізді. Жыл соңына дейін төрт кездесуге қатысты.
Ұлттық құрама сапында тұғыш рет 2014 жылы 7 маусым күні сырт алаңда Мажарстан құрамасына қарсы алаңға шықты (0:3). 13 қазанда "Астана Аренада" Чехияға қарсы ойнады, бұл ЕУРО-2016 іріктеуі болатын. 2015 жылы құрама сапында екі ойынға қатысты (Исландия мен Түркияға қарсы).
2016 жылы жеті кездесуге қатысты, оның үшеуі ресми ойын (ӘЧ-2018 іріктеуі). 2017 жылы алты ойында алаңға шықты.
2017 жылдан кейін біраз уақыт құрамаға шақырылған жоқ. Тек 2019 жылы 8 маусымда ЕУРО-2020 іріктеуіндегі Бельгияға қарсы ойында бір жарым жылға жуық үзілістен соң құрамаға оралды. Жыл соңына дейін барлығы бес кездесуде ойнады, 2020 жылы 10 қазанда Албанияға қарсы кездесуде 11 айға жуық үзілістен соң құрама намысын қорғады.
2021 жылы ӘЧ-2022 іріктеуінде Франция, Украина, Финляндияға қарсы матчтарда алаңға шықты.
2023 жылы 26 наурызда Данияның қақпасына тұңғыш голды соқты: гол алыстан тоғыздыққа қадалды. Бұл ЕУРО-2024 іріктеу турнирінің екінші турындағы үздік голдар қатарына енді.
2023 жылы 16 маусымда құрама сапындағы екінші голын Сан-Мариноның қақпасына пенальтиден енгізді.
Жетістіктері
[өңдеу | қайнарын өңдеу]Командалық
[өңдеу | қайнарын өңдеу]- Қазақстан чемпионы: 2013
- Қазақстанның күміс жүлдегері: 2014
- Қазақстанның қола жүлдегері: 2015
- Қазақстан чемпионы (2): 2016, 2017
- Қазақстан кубогы: 2016
- Қазақстан кубогы: 2019
- Қазақстан суперкубогы: 2021
- Қазақстан чемпионы: 2023
Дереккөздер
[өңдеу | қайнарын өңдеу]Сілтемелер
[өңдеу | қайнарын өңдеу]
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
