Адвентициялык қабық
Уикипедия — ашық энциклопедиясынан алынған мәлімет
Адвентициялык қабық (кейде Адвентиция, tunika adventitia; лат. tunika — қабық, лат. adventitius — келімсек) - организмнің дене қуыстарынан (көкірек, құрсақ және жамбас қуыстарынан) тыс орналасқан түтікше ағзалардың (жұтқыншақ, көмекей, өңеш пен кеңірдектің мойын бөліктері және тік ішек пен қынаптың соңғы бөлімдері, қан және лимфа тамырлары) сыртқы борпылдақ дәнекер ұлпалық қабығы. Ағзалар сыртқы адвентициялық қабығы арқылы сыртындағы басқа ұлпалармен болмаса басқа ағзалармен байланысып жалғасып жатады. Бұл қабықпен түтікше ағзаларды қоректендіретін қан мен лимфа тамырлары және олардың қызметін ретгейтін жүйкелер өтеді. [1] Адвентиция қан тамырларының сыртқы қабаты негізінде дәнекер ұлпадан қалыптасқан. Артерия және вена адвентициясының ішінде ұсақ қан тамырлары өтеді олар қан тамырының өзін қоректендіреді (vasa vasorum). Вена және артериола адвентициялары артерияға қарағанда жуандау. Адвентиция деп кейде сүйектің үстінгі қабатын айтады.[2]
Дереккөздер
[өңдеу | қайнарын өңдеу]- ↑ Биоморфология терминдерінің түсіндірме сөздігі/ — Алматы: "Сөздік-Словарь", 2009 жыл. ISBN 9965-822-54-9
- ↑ Орысша-қазақша түсіндірме сөздік: Биология / Жалпы редакциясын басқарған э.ғ.д., профессор Е. Арын - Павлодар: «ЭКО» ҒӨФ. 2007. - 1028 б. ISBN 9965-08-286-3
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
