Atakama
Atakama – Qubla Amerikadaǵı shól, Chilidiń arqa tárepinde jaylasqan. Tınısh okeanı jaǵası boylap, 22-27° keńlik arasında, shama menen 1000 km ǵa sozılǵan. Teńiz qáddinen 500 metrden 2000-3200 metrge shekem biyiklikte jaylasqan. Dúnyadaǵı eń qurǵaqshıl orınlardan biri. Íqlımı tropik, passatlı ıqlım. Peru aǵımı tásiri sebepli salıstırmalı suwıq. Yanvardıń ortasha temperaturası teńiz jaǵasında 19 -20°, iyulda 13-15°. Uzın oypatlıqta bolsa, yanvardıń ortasha temperaturası 22-23° hám iyulda 11-12°. Ortasha jıllıq jawın-shashın muǵdarı 50 mm (10 -12 jıllab jawın jawmaytuǵın waqıtlar da boladı). Loa dáryası kesip ótedi. Ósimlik az (kaktus, mimozalar), sorlaqlar kóp. Mıs hám selitra kánleri bar. Haywan túrleri az. Túlki, tasbaqalar ushraydı.
Ádebiyatlar
[redaktorlaw | derekti redaktorlaw]1. ÓzME. Birinshi tom. Tashkent, 2000-jıl
Text is available under the CC BY-SA 4.0 license; additional terms may apply.
Images, videos and audio are available under their respective licenses.
