Resident Evil Zero
| Resident Evil Zero | |
|---|---|
 | |
| დეველოპერ(ებ)ი | Capcom |
| გამომცემელი | Capcom |
| სერია | „Resident Evil“ |
| პლატფორმ(ებ)ი | GameCube, Wii, Microsoft Windows, PlayStation 3, PlayStation 4, Xbox 360, Xbox One |
| გამოსვლის თარიღი |
12 ნოემბერი, 2002 |
| ჟანრ(ებ)ი | Survival horror |
| რეჟიმ(ებ)ი | ერთმოთამაშიანი |
| რეჟისორ(ებ)ი | კოძი ოდა |
| პროგრამისტ(ებ)ი | იოსიფუმი ჰირაო |
| სცენარისტი |
|
| კომპოზიტორი | სეიკო კობუცი |
Resident Evil Zero, იაპონიაში ცნობილია, როგორც Biohazard Zero (იაპონ. : バイオハザード) — survival horror -ის ჟანრის ვიდეო თამაში, შექმნილი და გამოცემული იაპონური კომპანია Capcom-ის მიერ Nintendo GameCube-ის პლატფორმისთვის 2002 წელს. ის არის რიგით მეხუთე ძირითადი თამაში „Resident Evil“-ის სერიიდან და ითვლება „Resident Evil (2002)"-ის პრიკველად.
სიუჟეტი მიმდინარეობს ორი გმირის, ოფიცერ რებეკა ჩემბერზის და დამნაშავე ბილი კოენის გარშემო, რომლებიც იკვლევენ ფარმაცევტული კორპორაცია Umbrella Corporation-ის მიტოვებულ სასწავლო ცენტრს. თამაში ინარჩუნებს „Resident Evil “-ის სერიის გეიმპლეის ელემენტებს,[3] თუმცა დამატებულია ახალი მახასიათებლები. მასში ვირტუალური კამერა წარმოდგენილი არის მესამე პირის ხედვით. მოთამაშეს შესაძლებლობა აქვს აკონტროლოს ორივე პერსონაჟი და ნებისმიერ დროს გადაერთოს ერთიდან მეორეზე, რაც ხელს უწყობს სხვადასხვა დაბრკოლებებისა და თავსატეხების მარტივად გადალახვას.[4] ორივე პერსონაჟს გააჩნია უნიკალური შესაძლებლობები, მაგალითად, რებეკა არის მედიკოსი და მოპოვებული მცენარეებით შეუძლია მოამზადოს სამკურნალო საშუალებები და შეაღწიოს რთულად მისადგომ ადგილებში, თუმცა ფიზიკურად სუსტია, ხოლო რაც შეეხება ბილს, ის ფიზიკურად ძლიერია, შეუძლია მძიმე საგნების გადატანა, ფლობს სანთებელას და აქვს სიცოცხლის მაღალი მაჩვენებელი.[5][6]
თამაშზე მუშაობა დაიწყო 1998 წელს, ხოლო ოფიციალურად დაანონსდა 2000 წლის იანვარში და დემო თამაში ნაჩვენები იქნა Tokyo Game Show-ზე.[7] თავდაპირველად განკუთვნილი იყო Nintendo 64-ისთვის.[8] თუმცა მოგვიანებით ნათელი გახდა, რომ თამაშის მოცულობა აღემატებოდა Nintendo 64-ის სათამაშო კარტრიჯისას,[9] რომელიც მხოლოდ 64 მბ-ს შეადგენდა. ამიტომაც მისი გამოცემა გადაწყდა Nintendo GameCub-ზე, რომელსაც გააჩნდა MiniDVD ფორმატი, რომელიც კარტრიჯთან შედარებით გაცილებით მეტ ინფორმაციას იტევდა. თამაშის სცენარი და გარემო უცვლელი დარჩა, თუმცა კომპანიას მოუწია მასში გარკვეული ცვლილებების შეტანა.[9] Capcom-მა პლატფორმის ცვლილებასთან დაკავშირებით განცხადება 2000 წლის სექტემბერში გააკეთა.[10]
თამაშმა მზის შუქი იხილა 2002 წლის 10 ნოემბერს ჩრდილოეთ ამერიკაში, 2002 წლის 21 ნომბერს იაპონიაში და 2003 წლის 7 მარტს ევროპაში.[11] 2008 წლის დეკემბერში თამაში „Resident Evil“-თან (2002) ერთად პორტირებული იქნა Nintendo Wii-ზე სახელწოდებით „Resident Evil Archives: Resident Evil Zero“. 2016 წლის 19 მარტს Microsoft Windows, PlayStation 3, PlayStation 4, Xbox 360 და Xbox One-პლატფორმებზე გამოვიდა გადაკეთებული ვერსია „Resident Evil Zero HD Remaster“,[12] რომელიც მოიცავს გაუმჯობესებულ ხმის ეფექტებს და გრაფიკას.
GameCube-ის ვერსიას დადებითი შეფასებები ჰხვდა წილად ვიდეო თამაშების მიმომხილველებისგან.[13] კრიტიკოსებმა შეაქეს გრაფიკა და ხმის ატმოსფერო,[3][14][15] ხოლო გადაკეთებულმა ვერსიამ მიიღო შერეული შეფასებები. საერთო განხილვების საიტ Metacritic-ზე GameCube-ის ვერსია ფლობს 83/100.[13] „Resident Evil Zero-ს გაყიდვების რაოდენობა GameCube-ზე შეადგენს 1.25 მილიონ ეგზემპლარს, ხოლო რემასტერინგული ვერსიის გაყიდვები 2016 წლის მონაცემით 1.3 მილიონს,[16] ჯამმში — 2.5 მილიონი ასლი. 2004 წლის 24 ოქტომბერს გამოიცა თამაშზე დაფუძნებული სტეფანი დანელე პერის რომანი „Resident Evil: Zero Hour“.[17]
რესურსები ინტერნეტში
[რედაქტირება | წყაროს რედაქტირება]- ოფიციალური საიტი (იაპონური)
- „Resident Evil Zero“ საიტზე MobyGames
- Resident Evil Archives: Resident Evil Zero დაარქივებული 2019-03-31 საიტზე Wayback Machine.
სქოლიო
[რედაქტირება | წყაროს რედაქტირება]- ↑ Osborn, Alex. (8 დეკემბერი, 2015) Resident Evil 0 Remaster Release Date Announced. IGN. დაარქივებულია ორიგინალიდან — 9 დკემბერი, 2015. ციტირების თარიღი: 8 დეკემბერი, 2015.
- ↑ Hussain, Tamoor. (8 დეკემბერი, 2015) Resident Evil 0 HD Remaster Screenshots Show Billy Going Commando. GameSpot. დაარქივებულია ორიგინალიდან — 11 დეკემბერი, 2015. ციტირების თარიღი: 8 დეკემბერი, 2015.
- ↑ 3.0 3.1 Casamassina, Matt. Review: Resident Evil Zero (GameCube). IGN. დაარქივებულია ორიგინალიდან — 13 აპრილი, 2016. ციტირების თარიღი: 6 თებერვალი, 2009.
- ↑ (2002) Resident Evil Zero, NTSC, GameCube, Capcom.
- ↑ Resident Evil Zero. In-game "Player's Manual 2"
- ↑ Martin, Liam. What did we think of Resident Evil HD Remaster? en (19 იანვარი, 2016). დაარქივებულია ორიგინალიდან — 8 ივნისი, 2016. ციტირების თარიღი: 30 მარტი, 2017.
- ↑ MacDonald, Mark. Resident Evil Zero Preview. GameSpot (13 იანვარი, 2000). დაარქივებულია ორიგინალიდან — 4 თებერვალი, 2017. ციტირების თარიღი: 17 ივლისი, 2012.
- ↑ Interview: Capcom chief lifts Resident Evil 0 lid. დაარქივებულია ორიგინალიდან — 2011-05-11. ციტირების თარიღი: 28 დეკემბერი, 2015.
- ↑ 9.0 9.1 Steven Rodriguez. (7 მაისი, 2002) Quick Resident Evil 0 Interview. Nintendo World Report. დაარქივებულია ორიგინალიდან — 31 დეკემბერი, 2015. ციტირების თარიღი: 8 იანვარი, 2012.
- ↑ N64: 0 -- Cube: RE0. IGN (7 სექტემბერი, 2000). დაარქივებულია ორიგინალიდან — 29 დეკემბერი, 2013. ციტირების თარიღი: 4 თებერვალი, 2017.
- ↑ Resident Evil Zero - GameCube - GameSpy. დაარქივებულია ორიგინალიდან — 5 სექტემბერი, 2015. ციტირების თარიღი: 4 თებერვალი, 2017.
- ↑ Osborn, Alex. (8 დეკემბერი, 2015) Resident Evil 0 Remaster Release Date Announced en-US. დაარქივებულია ორიგინალიდან — 26 აპრილი, 2016. ციტირების თარიღი: 4 თებერვალი, 2017
- ↑ 13.0 13.1 Resident Evil 0 for GameCube Reviews, Ratings, Credits, and More. Metacritic. დაარქივებულია ორიგინალიდან — 30 დეკემბერი, 2010. ციტირების თარიღი: 6 თებერვალი, 2009.
- ↑ MacDonald, Mark. Reviews: Resident Evil Zero. 1UP.com. დაარქივებულია ორიგინალიდან — 16 ივლისი, 2012. ციტირების თარიღი: 8 თებერვალი, 2009.
- ↑ Varanini, Giancarlo. (12 ნოემბერი, 2002) Review: Resident Evil Zero (GameCube). GameSpot. დაარქივებულია ორიგინალიდან — 11 სექტემბერი, 2014. ციტირების თარიღი: 6 თებერვალი, 2009.
- ↑ CAPCOM Platinum Titles. დაარქივებულია ორიგინალიდან — 1 დეკემბერი, 2016. ციტირების თარიღი: 4 თებერვალი, 2017.
- ↑ Zero Hour (Resident Evil, #0). დაარქივებულია ორიგინალიდან — 6 თებერვალი, 2017. ციტირების თარიღი: February 5, 2017.
| ||||||||||||||||||||||||||||||||||||||||||||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
