New
სტუდიური ალბომი — პოლ მაკ-კარტნი
გამოცემის თარიღი	14 ოქტომბერი, 2013 (2013-10-14)
ჩაიწერა	იანვარი 2012 – მარტი 2013
სტუდია	Henson Recording Studios, ლოს-ანჯელესი; Avatar Studios, ნიუ-იორკი; ები-როუდის სტუდიები, Air Studios, Wolf Tone Studios, ლონდონი; The Mill, აღმოსავლეთი სასექსი
ჟანრი	როკი არტ-როკი ელექტრონული მუსიკა
ხანგრძლივობა	46:11
ლეიბლი	Virgin EMI (ბრიტანეთი)[1] Hear Music (აშშ)[2]
პროდიუსერი	ჯაილზ მარტინი, პოლ ეპუორთი, მარკ რონსონი, ითან ჯოუნსი
პოლ მაკ-კარტნი — ქრონოლოგია
iTunes Live from Capitol Studios (2012) New (2013) Pure McCartney (2016)
პოლ მაკ-კარტნის სტუდიური ალბომები – — ქრონოლოგია
Kisses on the Bottom (2012) New (2013)
სინგლები ალბომიდან New
„New“ გამოცემის თარიღი: 28 აგვისტო, 2013 (2013-08-28) „Queenie Eye“ გამოცემის თარიღი: 24 ოქტომბერი, 2013 (2013-10-24) „Save Us“ გამოცემის თარიღი: 31 მარტი, 2014 (2014-03-31)[3] „Appreciate“ გამოცემის თარიღი: 16 მაისი, 2014 (2014-05-16) „Early Days“ გამოცემის თარიღი: 7 ივლისი, 2014 (2014-07-07)

New — ინგლისელი მუსიკოს პოლ მაკ-კარტნის მეთექვსმეტე სტუდიური სოლო-ალბომი, რომელიც გამოიცა 2013 წლის 14 ოქტომბერს. იგი აგრეთვე არის პირველი Memory Almost Full-ის შემდეგ, რომელიც მთლიანად ორიგინალური კომპოზიციებისგან შედგება. ^[4] ალბომზე პროდიუსერების სახით მუშაობდნენ ჯაილზ მარტინი, მარკ რონსონი, ითან ჯოუნსი და პოლ ეპუორთი. მაკ-კარტნიმ განაცხადა, რომ ჩანაწერზე გავლენა იქონია მის ცხოვრებაში უკანასკნელმა, ისევე, როგორც The Beatles-ის ჩამოყალიბებამდე მომხდარმა მოვლენებმა. მისივე თქმით, არანჟირებების ნაწილი არ ჰგავს მის ჩვეულ როკ-ჩანაწერებს.^[5] პირველი სინგლის „New“ და ზოგადად ალბომის შეფასება პოზიტიური იყო.

ალბომზე პროდიუსერების სახით მუშაობდნენ მარკ რონსონი, ითან ჯოუნსი, პოლ ეპუორთი და ჯაილზ მარტინი.^[4] რონსონი არის სასათაურო სიმღერის პროდიუსერი .^[4]

მაკ-კარტნი ამბობდა, რომ ალბომში სიმღერები ერთმანეთისგან ძალიან განსხვავებული იქნებოდა. „ვიმუშავე ოთხ პროდიუსერთან და ოთხივემ სხვადასხვა შემოიტანეს“.^[6] სიმღერები ამ ალბომზე წინასწარ არ დაიწერა, ისინი იმპროვიზაციით შეიქმნა.^[6] სასათაურო „New“ არის „სიმღერა სიყვარულზე, მაგრამ მასში საუბარია ასეთ რამეზე - ჩემგან რა გინდა, მე პასუხები არ მაქვს“. ეს ნიშნავს - მე არ ვიცი, რა ხდება, მე არ ვიცი, როგორ ხდება, მაგრამ ვიცი, რომ კარგია და მიყვარხარ“.^[6]

სხვა სიმღერები ავტობიოგრაფიულია: „On My Way to Work“ ეხება იმ პერიოდს, როდესაც პოლ ჯერ არ იყო ცნობილი და ლივერპულში მუშაობდა.^[7] „Early Days“-ში მაკ-კარტნი იხსენებს ლივერპულში ჯონ ლენონთან ერთად გატარებულ პერიოდს: „ვიხსენებდი, როგორ ვიყავით მუსიკალურ მაღაზიაში, ვუსმენდით ადრეულ როკ-ენ-როლს და ვათვალიერებდით პოსტერებს და მთელ იმ ხალისს, რასაც მე ეს მანიჭებდა“.^[8]

უკანასკნელი მოვლენების განხილვისას მაკ-კარტნი ამბობდა, რომ მასზე დიდი გავლენა იქონია შეველთან ქორწინებამ: „ეს ჩემს ცხოვრებაში ბედნიერი პერიოდია, ახალ მეუღლესთან ერთად - ამიტომ ახალ მეუღლესთან ახალი სიმღერებიც ჩნდება“. მისი აზრით, New ძირითადად მხიარულია, მაგრამ მასში ფარულად ჩანს „ტკივილი, რომელიც გადადის სიცილში“.^[8] რონსონმა „Alligator“-ს უწოდა „ჩაფიქრებული“ და „საკმაოდ რთული“.^[9] მაკ-კარტნიმ „Everybody Out There“ დაწერა მსმენელის აყოლებისთვის და თქვა, რომ ამაყობდა „Early Days“-ით და დამალული სიმღერით „Scared“.^[10]

„New“ სინგლის სახით გამოვიდა iTunes-ზე და SoundCloud-ზე, 2013 წლის 28 აგვისტოს.^[4] ალბომის გამოცემა ბრიტანეთში 2013 წლის 14 ოქტომბერს არის დაგეგმილი, ხოლო მეორე დღეს - აშშ-ში,^[6] 12 ძირითადი სიმღერით და სპეციალური გამოცემით, რომელშიც დამატებული იქნება კიდევ ორი.^[4]

პროფესიონალური რეიტინგები

საერთო ქულები
წყარო	რეიტინგი
Metacritic	77/100[11]
მიმოხილვების ქულები
წყარო	რეიტინგი
AllMusic	[12]
Clash	7/10[13]
The Daily Telegraph	[14]
Entertainment Weekly	A–[15]
The Guardian	[16]
NME	7/10[17]
Pitchfork	7.8/10[18]
PopMatters	[19]
Rolling Stone	[20]
Slant Magazine	[21]

ალბომიდან გამოცემული პირველი სიმღერა, „New“, დადებითად მიიღეს როგორც კრიტიკოსებმა, ასევე ზოგადად მუსიკალურმა პრესამ. იგი BBC Radio 2-ის მიერ არჩეული იქნა კვირის ჩანაწერად^[6] და მოხვდა მის A-სიაში^[22]. გარდა ამისა, სიმღერა ჟურნალმა Mojo-მ დღის სიმღერად დაასახელა, აღნიშნა რა მისი „გულუბრყვილო ოპტიმიზმი, უძლეველი მელოდია“ და „ორკესტრირებული პოპ-არანჟირებები“.^[23] Rolling Stone-ის უილ ჰერმესმა აღნიშნა მისი „მოძრავი კლავისინზე აგებული მელოდია“, მიანიჭა 4 ვარსკვლავიანი შეფასება და გაავლო პარალელები The Beatles-ის „Got to Get You into My Life“-თან^[24] - იგივე აზრს იზიარებდა The Daily Telegraph, რომელმაც მას უწოდა „სტილიზებული, ბითლზური ბაკუნი“.^[25]