ჯუმბერ ლეჟავა (დ. 23 ივლისი, 1939 — გ. 25 ივლისი 2014) — ქართველი სპორტსმენი, მოგზაური და რეკორდსმენი.

დაიბადა თბილისში. 1966 წელს დაამთავრა საქართველოს პოლიტექნიკური ინსტიტუტი ინჟინერ-ელექტრიკოსის სპეციალობით. 1987 წელს გადატანილი მუცლის ღრუს მძიმე ოპერაციის შემდეგ შეიმუშავა ვარჯიშების საკუთარი სისტემა. 1990-1992 წლებში დაამყარა მსოფლიო და გინესის რეკორდები ჰორიზონტალური მდგომარეობიდან მკლავებზე აზიდვებში (რამდენიმე გაუმჯობესებით, უკანასკნელად 2001 წ.).

1993 წლის 13 აგვისტოდან 2002 წლის 3 ნოემბრამდე ველოსიპედით იმოგზაურა მსოფლიოს გარშემო:^[1] 3333 დღის განმავლობაში გადალახა აზიის, ავსტრალია-ოკეანეთის, ჩრდილოეთ და სამხრეთ ამერიკის, ევროპისა და აფრიკის 234 ქვეყანა და დამოკიდებული ტერიტორია, 2-ჯერ ეწვია ანტარქტიდას; გადაიღო 50.000-ზე მეტი ფოტო-კადრი და 200 სთ-ზე მეტი ვიდეო ფირი; შექმნა მოგზაურობის 7.000 გვერდიანი დღიური.

გარდაიცვალა 2014 წლის 25 ივლისს.^[2]

დაჯილდოებულია საქართველოს სახელმწიფო ჯილდოებით, მ. შ. ვახტანგ გორგასლის I ხარისხის ორდენით, საქართველოს სახელმწიფო პრემიით. საქართველოს საგარეო საქმეთა სამინისტროსგან მინიჭებული აქვს „მოგზაური დიპლომატის“ სტატუსი (1993), ხოლო იუნესკოსგან — „მსოფლიო სპორტსმენის“ დიპლომი (1999).

• ველოსიპედით დედამიწის გარშემო, თბ., 1998

ვიკისაწყობში არის გვერდი თემაზე:

ჯუმბერ ლეჟავა

• ჯუმბერ ლეჟავა — საქართველოს პარლამენტის ეროვნული ბიბლიოთეკა
• ჯ.ლეჟავას მოგზაურობის მარშრუტი მსოფლიოში (ლატვ.)
• მსოფლიო მოგზაური დაარქივებული 2016-03-05 საიტზე Wayback Machine.
• ჯუმბერ ლეჟავა ველოსიპედის შესახებ
• ჯუმბერ ლეჟავა მორიგი მოგზაურობისთვის ემზადება
• ჯუმბერ ლეჟავა წაღვერის ტურისტული ცენტრის საიტზე
• სიკვდილისა და პრობლემების დამარცხება - მხოლოდ საქართველოს სახელით!
• ჯუმბერ ლეჟავას კავკასიური პორტრეტი
• რუკა: ჯუმბერ ლეჟავას მოგზაურობის მარშრუტები
• "მოგზაურობის მეფე" — ჯუმბერ ლეჟავა დაარქივებული 2024-03-23 საიტზე Wayback Machine.