შეთეკაურები
შეთეკაური — ქართული გვარი ხევსურეთიდან. გავრცელებულია, ძირითადად, კახეთის რეგიონში. არის ერთ-ერთი უმცირესი ხევსურული გვარი (დაახლოებით 300 ადამიანი)[1]. ისტორიულ საბუთებში გვარი XX საუკუნემდე არ არის მოხსენიებული. შეთეკაურების გვარი მოდის მუცოდან. ანდრეზით (გადმოცემით) „შეთეკაურები მუცოს ამოთხრილნიაო“ რაც ნიშნავს, რომ მათი ისტორია მუცოსთან ერთად იწყება.
ლეგენდა გვარის წარმოშობაზე
[რედაქტირება | წყაროს რედაქტირება]მუცო დაუარსებია ხუთ ძმას, ერთს ვარდანა ერქვა, რომლისგანაც შეთკაურების გვარი მოდის; მეორეს ჩოლოხას ეძახდნენ (კოჭლობდა და ჩლახუნით დადიოდა), რომელიც შემდეგ კახეთში გადასახლებულა და მისგან ჩოლოყაშვილების გვარი წამოსულა[2]; მესამე, მოსისხლეების გამო, თუშეთში გადასახლებულა და მათგან უზღარაულების გვარი წარმოიშვა; მეოთხეს ცოლშვილი არ ჰყოლია და შესაბამისად, არც შთამომავლობა დარჩა; ხოლო მხუთეს შთამომავლებისგან დაიბადა თორღვა ძაგანი (ლეგენდარული მუცოელი გმირი).
გვარის კურთხევა
[რედაქტირება | წყაროს რედაქტირება]2010 წლის 28 აგვისტოს სამების საკათედრო ტაძარში უწმინდესმა და უნეტარესმა, სრულიად საქართველოს კათოლიკოს პატრიარქმა ილია II-მ შეთეკაურების გვარი დალოცა. ასევე იკურთხა შეთეკაურების გვარის მფარველი - წმინდა გიორგისა და მიქაელ მთავარანგელოზის ხატები.
საცხოვრებელი ადგილები
[რედაქტირება | წყაროს რედაქტირება]- თბილისი
- დუშეთის მუნიციპალიტეტი: ხონისჭალა
- თეთრიწყაროს მუნიციპალიტეტი
- თიანეთის მუნიციპალიტეტი
- ახმეტის მუნიციპალიტეტი
- გარდაბნის მუნიციპალიტეტი
სქოლიო
[რედაქტირება | წყაროს რედაქტირება]- ↑ სამოქალაქო რეესტრის სააგენტოს სტატისტიკა. დაარქივებულია ორიგინალიდან — 2012-04-05. ციტირების თარიღი: 2011-12-07.
- ↑ გულჩინა აკოფაშვილი, ქართველი დიპლომატი ნიკოლოზ ჩოლაყაშვილი - ნიკიფორე არბახი (XVII საუკუნე), გამომცემლობა ,,მეცნიერება", 1977
Text is available under the CC BY-SA 4.0 license; additional terms may apply.
Images, videos and audio are available under their respective licenses.
