ქვემო ტუნგუსკა
| ქვემო ტუნგუსკა Нижняя Тунгуска | |
|---|---|
| ქვეყანა |
 რუსეთი |
| სათავე |
შუა ციმბირის ზეგანი |
| შესართავი | 65°46′56″ ჩ. გ. 87°57′45″ ა. გ. / 65.78222° ჩ. გ. 87.96250° ა. გ. |
| შესართავის მდებარეობა | რუსეთი |
| სიგრძე | 2989 კმ |
| აუზის ფართობი | 473 კმ² |
| წყლის ხარჯი (საშ.) | 3 680[1] მ³/წმ |
 ქვემო ტუნგუსკის აუზი | |
   — სათავე,  — შესართავი | |
 ქვემო ტუნგუსკა ვიკისაწყობში | |
ქვემო ტუნგუსკა (რუს. Нижняя Тунгуска) — მდინარე კრასნოიარსკის მხარესა და ირკუტსკის ოლქში. მდინარე ენისეის მარჯვენა შენაკადი. სიგრძე 2989 კმ, აუზის ფართობი 473 ათ. კმ². სათავე აქვს შუა ციმბირის ზეგნის სამხრეთ ნაწილში, ანგარის ჭიუხის აღმოსავლეთით. ზემოთში მიედინება განიერ ხეობაში, ქვემოთში ლავების გადაკვეთის ადგილებში ქმნის ჭორომებს. ქვემო ტუნგუსკა უმთავრესად საზრდოობს თოვლის წყლით. მის კვებაში მონაწილეობას იღებს ასევე ზაფხულის წვიმები. წყალდიდობა იცის მაის-ივნის-ივლისში.
წყლის საშუალო ხარჯი შესართავთან 3680 მ³/წმ. მინიმალური დაფიქსირდა 1967 წელს და შეადგინა 2861 მ³/წმ-ს. მდინარეზე მაქსიმალური წყლის ხარჯი დაფიქსირდა 1974 წელს — 4690 მ³/წმ. ზამთრის პერიოდში მცირეწყლიანია, რადგან მისი აუზი გავრცელებულია მრავალწლოვანი მზრალობის რაიონში. ამ უბნებში ქვემო ტუნგუსკა მოკლებულია გრუნტის წყლებს.
იყინება ოქტომბერ-ნოემბერში, ყინულძვრაა მაისში. წყალდიდობის დროს სანაოსნოა დაბა ტურამდე. ქვემო ტუნგუსკის აუზში არის ტუნგუსკის ქვანახშირის აუზი.
რესურსები ინტერნეტში
[რედაქტირება | წყაროს რედაქტირება]- ქვემო ტუნგუსკა — სტატია დიდი რუსული ენციკლოპედიიდან (რუსული)
- ქვემო ტუნგუსკა — გეოგრაფიული სახელწოდებების ლექსიკონში[მკვდარი ბმული]
- მდინარე ქვემო ტუნგუსკა
სქოლიო
[რედაქტირება | წყაროს რედაქტირება]- ↑ ქვემო ტუნგუსკა, იანდექსი: თანამედროვე გეოგრაფიული სახელწოდებების ლექსიკონი
Text is available under the CC BY-SA 4.0 license; additional terms may apply.
Images, videos and audio are available under their respective licenses.
