საპოტეკები — მექსიკის ინდიური ხალხი. დასახლებულნი არიან ოახაკას შტატსა და ჩიაპასის, გერეროსა და ვერაკრუსის შტატების რაიონებში. მოსახლეობა — 450 ათასი ადამიანი. რელიგიის მიხედვით ფორმალურად კათოლიკეები, მაგრამ ინახავენ ტრადიციულ სარწმუნოებას.

ენა — საპოტეკი, ეკუთვნის ოტო-მანგური ენების ოჯახის საპოტეკურ ჯგუფს. დიალექტები: სამხრეთ მთიური, ჩრდილოეთ მთიური და ვაკეური.

ძველად საპოტეკებს თავიანთი საპოტეკური დამწერლობა ჰქონდათ. ამჟამად საპოტეკები ხმარობენ ლათინურს ესპანური ორთოგრაფიის საფუძველზე.

ძირითადი საქმიანობა — მიწათმოქმედება (სიმინდი,შაქრის ლერწამი, პარკოსნები, გოგრისებრნი და მარცვლეული კულტურები), მეთევზეობა, მეცხოველეობა (მსხვილფეხა და წვრილფეხა საქონელი, ცხენები, ღორები, ჩიტები), ხელობა (ქსოვა).

სამოსი — საზოგადო-მექსიკური ტიპის. ქალები თავს იხვევენ ტურბანის მსგავსი მოსახვევით ან ფართო შარფით, რომელიც მხრებამდე წვდება.

ორგანიზაციის საფუძველი — მცირე ოჯახია. ნათესავები ხშირად სახლდებიან მეზობლად. ქორწინება - მონოგამური, პატრილოკალური ან ნეოლოკალურია.

საპოტეკების ღმერთებიდან ცნობილია პიტაო-შოო, კოსაანა და უიჩაანა, კოსიჰო-პიტაო („დიდებული კოსიჰო“), პიტაო-კოსობი, პიტაო-სიჰი, პიტაო-პიჰი, პიტაო-შიკალა, კოკი-ლაო, პიშეე.

ყოფასა და ფოლკლორში შეინიშნება ესპანეთამდელი წარსულის ტრადიციების გავლენა. არსებობს საპოთეკური იეროგლიფური დამწერლობა, რომელიც ჰგავს ოლმეკებისა და მაიას დამწერლობას. გამოქვეყნებულია 50 ტექსტზე მეტი. ესენია წარწერები ქვის ძეგლებსა და დაკრძალვის სარდაფებში.

• ბენიტო ხუარესი

• მსოფლიოს ერები, ისტორიულ-ეთნოგრაფიული ცნობარი, ი. ბრომლეის რედაქტირებით, 1998
• ენციკლოპედოია „მსოფლიოს ერები და რელიგიები“, ვ. ტიშკოვას რედაქტირებით, 1998
• ენციკლოპედია „ლათინური ამერიკა“, ტომი 2, 1982

ვიკისაწყობში არის გვერდი თემაზე:

საპოტეკები

• საპოტეკებისა და მიჰტეკების სახელმწიფო
• საპოტეკების ისტორია, კულტურა და ხელოვნება

ხ • გ • რ მესოამერიკის კოლუმბამდელი კულტურები კულტურების სია აცტეკები ვერაკრუსი გუაიაბო ისაპა კაპაჩა კოკლე კუიკუილკო კუსკატლანი მაია მისტეკები მონტე-ალტო ოლმეკა-ჰიკალანკა ოლმეკები საპოტეკები ტარასკები ტეოტიუაკანი ტლატილკო ტოლტეკები ტოტონაკები უასტეკები ჩიჩიმეკები ჩოლულა საბადოსებური საფლავები და ტეუჩიტლანი ჰოჩიპალა ეპიოლმეკები სხვადასხვა მესოამერიკის ქრონოლოგია მექსიკის არქეოლოგიური ძეგლები ქვის ბურთები მესოამერიკული ბურთის თამაში მესოამერიკული პირამიდა დამწერლობის მესოამერიკული სისტემები ჩინამპები მესოამერიკის ენები იხილეთ აგრეთვე კოლუმბამდელი ცივილიზაციები არიდოამერიკა კონკისტა