ნანა ჯორჯაძე
ნანა ჯორჯაძე
დაბადების სახელი	ნანა ჯორჯაძე
დაბადების თარიღი	24 აგვისტო, 1948 (1948-08-24) (76 წლის) თბილისი, საქართველოს სსრ სსრკ
საქმიანობა	რეჟისორი მსახიობი სცენარისტი
აქტიური	1978 - დღემდე
ჯილდოები	ოქროს ვიდეოკამერა 1986 — რობინზონიადა ანუ ჩემი ინგლისელი პაპა

ნანა ჯორჯაძე (დ. 24 აგვისტო, 1948, თბილისი) — ქართველი კინორეჟისორი, სცენარისტი და მსახიობი.

დაიბადა თბილისში. 1966 წელს მუსიკალური სკოლა დაასრულა, ხოლო 1972 წელს თბილისის სამხატვრო აკადემიის არქიტექტურის ფაკულტეტი. არქიტექტურაში რამდენიმეწლიანი კარიერის შემდეგ 1980 წელს თბილისის თეატრალურ ინსტიტუტში ჩაერიცხა. მისი სამსახიობო დებიუტი მოხდა 1977 წელს ფილმში „რამდენიმე ინტერვიუ პირად თემებზე“, ხოლო რეჟისორის სახით — 1979 წელს ფილმით „მოგზაურობა სოპოტში“. მისმა 1987 წლის ფილმმა „რობინზონიადა ან ჩემი ინგლისელი პაპა“ კანის კინოფესტივალზე „ოქროს ვიდეოკამერა“ მიიღო, და ამასთან კრიტიკოსთა და მაყურებელთა მოწონება დაიმსახურა.

1990-იანებში ის საფრანგეთში გადავიდა და იქ რამდენიმე ფილმი გადაიღო, მათ შორის „შეყვარებული კულინარის 1001 რეცეპტი“ (1996), რომელიც პირველი და დღემდე ერთადერთი ქართული ფილმი გახდა ოსკარის ნომინაციით. იყო სან-სებასტიანის (1987), თელ-ავივის (1989), კანის (1992), პოტსდამის (1993), კარლოვი-ვარის (1997), ვენეციის (1997) საერთაშორისო კინოფესტივალების ჟიურის წევრი.

• 1980: „მოგზაურობა სოპოტში“
• 1981: „მომეხმარეთ იალბუზზე ასვლაში“
• 1986: „რობინზონიადა ანუ ჩემი ინგლისელი პაპა“
• 1996: „შეყვარებული კულინარის 1001 რეცეპტი“
• 2000: „ზაფხული, ანუ 27 დაკარგული კოცნა“
• 2003: „ფოსტალიონი“
• 2008: „მეტეოიდიოტი“

• 1980: „მოგზაურობა სოპოტში“ რეჟ. ნანა ჯორჯაძე
• 1981: „მომეხმარეთ იალბუზზე ასვლაში“ რეჟ. ნანა ჯორჯაძე
• 2000: „ზაფხული, ანუ 27 დაკარგული კოცნა“ ირაკლი კვირიკაძესთან, მარინა ზვერევასთან ერთად რეჟ. ნანა ჯორჯაძე
• 2007: „სე ლა ვი“ რეჟ. რუსუდან ჭყონია

• 2007: „ჩამოფასებულები“ რეჟ. თეიმურაზ ბუტიკაშვილი

• 1980: „მოგზაურობა სოპოტში“ რეჟ. ნანა ჯორჯაძე
• 1981: „მომეხმარეთ იალბუზზე ასვლაში“ ალექსანდრე ჯანშიევთან ერთად რეჟ. ნანა ჯორჯაძე

• 1978: „რამდენიმე ინტერვიუ პირად საკითხებზე“ რეჟ. ლანა ღოღობერიძე
• 1980: „მუდმივი მეგობარი (შეხვედრამდე მეგობარო...)“ რეჟ. ომარ გვასალია
• 1981: „იცოცხლე, გენაცვალე“ (მხატვარი დუქანში) რეჟისორები თამარ გომელაური, ვახტანგ (ბუბა) კიკაბიძე
• 1981: „მოცურავე“ (ასისტენტი) რეჟ. ირაკლი კვირიკაძე
• 1984: „ადამიანთა სევდა“ რეჟ. გოდერძი ჩოხელი
• 1986: „რობინზონიადა ანუ ჩემი ინგლისელი პაპა“ რეჟ. ნანა ჯორჯაძე
• 2019: „ოქროს ძაფი“ (ელენე) რეჟ. ლანა ღოღობერიძე

• კათოლიკური ეკლესიის პრიზი, ფილმისთვის „მოგზაურობა სოპოტში“
• 1966: „Fipresci“ კინოკრიტიკოსების საერთაშორისო პრიზი, ფილმისთვის „შეყვარებული კულინარის 1001 რეცეპტი“
• 1966: „Quinzeine des dealisateurs“ კანის საერთაშორისო კინოფესტივალი, ფილმისთვის „შეყვარებული კულინარის 1001 რეცეპტი“
• 1979: ექსპერიმენტული ფილმების საერთაშორისო ფესტივალი(ტალინი), გრან-პრი ფილმისათვის „ატლანტი“
• 1980:კინოკლუბების საერთაშორისო პრიზი, ფილმისთვის „მოგზაურობა სოპოტში“
• 1986: კანის საერთაშორისო კინოფესტივალის პრიზი, „ოქროს კამერა“ ფილმისთვის „რობინზონიადა ან ჩემი ინგლისელი პაპა“
• 1986: კიოტოსა და მონრეალის კინოფესტივალის, ჩიკაგოს Wihitte Country Film Festival-ის პრიზები, ფილმისთვის „რობინზონიადა ან ჩემი ინგლისელი პაპა“
• 1986: რუსეთის კინოაკადემიის პრიზი „Ника“, ფილმისთვის „რობინზონიადა ან ჩემი ინგლისელი პაპა“

• ნანა ჯორჯაძე — საქართველოს ბიოგრაფიული ლექსიკონი
• ნანა ჯორჯაძე [დაარქივებული] — ეროვნული ფილმოგრაფია
• ნანა ჯორჯაძე კინოფილმების ინტერნეტ-მონაცემთა ბაზაში