მიხეილ ჩიხლაძე (დ. 24 ივნისი, 1902, სოფელი ძირულა, შორაპნის მაზრა, ახლანდელი ზესტაფონის რაიონი — გ. 3 აპრილი, 1973) — ქართველი მსახიობი. საქართველოს სსრ სახალხო არტისტი (1950). „საპატიო ნიშნის” ორგზის ორდენოსანი (1941, 1958) სკკპ წევრი 1942 წლიდან.

დაიბადა 1902 წლის 24 ივნისს სოფ. ძირულაში (ზესტაფონის რ-ნი). დაამთავრა ქუთაისის სასულიერო სასწავლებელი და ქუთაისის კლასიკური გიმნაზია.

სცენაზე პირველად დაბა ძირულაში გამოვიდა სცენის მოყვარულთა წრეში. 1927-1929 წლებში სწავლობდა რუსთაველის სახელობის თეატრალურ ინსტიტუტთან არსებულ დრამატულ სტუდიაში. სტუდიის დამთავრების შემდეგ მიწვეული იქნა მსახიობად რუსთაველის სახელობის თეატრში, სადაც მუშაობდა გარდაცვალებამდე. განასახიერა ასზე მეტი ერთმანეთისგან განსხვავებული როლი, მათ შორის: სოლეიმანი (ა. სუმბათაშვილ-იუჟინის „ღალატი“), კაპიტანი ჭავჭავაძე (ვ. დარასელის „კიკვიძე“), გოჩა, გივი (ს. შანშიაშვილის „ხევისბერი გოჩა“, „არსენა“), იასე (ი. მოსეშვილის „მისი ვარკვლავი“), ტარიელი (ლ. ქიაჩელის „ტარიელ გოლუა“), ჩერენე (ი. სოლოვიოვის „დიდი ხელმწიფე“) კენტი (შექსპირის „მეფე ლირი“) და სხვა. 1937 წლიდან იღებდნენ კინოშიც.

• 1937 — დაკარგული სამოთხე (თავადი)
• 1938 — დიადი განთიადი (მიქელაძე, პოლკოვნიკი)
• 1943 — გიორგი სააკაძე (ყორჩი-ხანი)
• 1947 — აკაკის აკვანი (სტუმარი)
• 1955 — ცისკარა (შავი ვეზირი)
• 1956 — ბაში-აჩუკი (გლეხი)
• 1958 — მამლუქი (ზაიდოლი)
• 1958 — ფატიმა (თავადი)
• 1966 — რაც გინახავს, ვეღარ ნახავ (დავითის ბიძა)
• 1967 — ქალაქი ადრე იღვიძებს
• 1968 — არაჩვეულებრივი გამოფენა (თინას მამა)
• 1970 — დიდოსტატის მარჯვენა

• 1941 — საპატიო ნიშნის ორდენი
• 1950 — საქართველოს სსრ სახალხო არტისტი
• 1958 — საპატიო ნიშნის ორდენი

• მიხეილ ჩიხლაძე — საქართველოს ბიოგრაფიული ლექსიკონი
• მიხეილ ჩიხლაძე — ეროვნული ფილმოგრაფია
• მიხეილ ჩიხლაძე — კინოფილმების ინტერნეტ მონაცემთა ბაზა (ინგლისური)