მიხეილ კობახიძე
| მიხეილ კობახიძე | |
|---|---|
 | |
| დაბადების სახელი | მიხეილ კობახიძე |
| დაბადების თარიღი |
5 აპრილი, 1939 თბილისი, სსსრ, სსრკ |
| გარდაცვალების თარიღი |
13 ოქტომბერი, 2019 (80 წლის) თბილისი, საქართველო |
| ეროვნება | ქართველი |
| საქმიანობა | კინორეჟისორი, სცენარსიტი, მსახიობი, კომპოზიტორი |
| მეუღლე(ები) | ნათელა მაჭავარიანი |
| შვილ(ებ)ი | გეგა კობახიძე |
მიხეილ კობახიძე (დ. 5 აპრილი, 1939, თბილისი — გ. 13 ოქტომბერი, 2019) — ქართველი რეჟისორი, სცენარისტი და მსახიობი, საქართველოს ხელოვნების დამსახურებული მოღვაწე (1990), საქართველოს კინემატოგრაფისტთა შემოქმედებითი კავშირის წევრი.
უმაღლესი განათლება მიიღო მოსკოვის საკავშირო სახელმწიფო კინემატოგრაფიის ინსტიტუტის საკინორეჟისორო ფაკულტეტზე (სერგეი გერასიმოვისა და თამარა მაკაროვას სახელოსნო), რომელიც დაამთავრა 1965 წელს. მიხეილ კობახიძის მიერ გადაღებული პირველი სადიპლომო ფილმი იყო „რვანახევარი“, რომელიც საბჭოურმა ცენზურამ ანტისაბჭოურ ნაწარმოებად მიიჩნია და მოსკოვში გაგზავნამდე გაანადგურა. 1964 წელს შემოქმედმა გადაიღო სადიპლომო ფილმი „ქორწილი“, რომელმაც ობერჰაუზენის მოკლემეტრაჟიანი ფილმების საერთაშორისო ფესტივალზე სამი პრიზი მიიღო (ფესტივალის მთავარი პრიზი, კინოჟურნალისტთა ასოციაციის პრიზი, „საერთაშორისო ევანგელისტური კინოცენტრის პრიზი“). 1969 წელს „მუსიკოსების“ გადაღების შემდეგ მოსკოვის კინემატოგრაფიის სახელმწიფო კომიტეტის თავმჯდომარის ალექსანდრე რომანოვის განკარგულებით მიხეილ კობახიძეს დამოუკიდებლად ფილმების გადაღება აეკრძალა. 2002 წელს საფრანგეთში გადაიღო მოკლემეტრაჟიანი ფილმი „გზაზე“.
1996 წელს, ვენეციის კინოფესტივალზე გაიმართა მიხეილ კობახიძის ფილმების რეტროსპექტივა[1]. 2009 წლის 5 აპრილს, კინორეჟისორს 70 წელი შეუსრულდა. ამავე საღამოს პარიზში, კონოთეატრ Action Cristine-ში, მისი ექვსივე ფილმის ჩვენება მოეწყო. გამოჩენილი რეჟისორის ფილმების ჩვენება მოხდა თბილისშიც, 2010 წლის 10 ნოემბერს.
გარდაიცვალა 2019 წლის 13 ოქტომბერს 80 წლის ასაკში, ავადმყოფობის შედეგად.[2]
ფილმოგრაფია
[რედაქტირება | წყაროს რედაქტირება]| წელი | სახელი | ||||
|---|---|---|---|---|---|
| რეჟისორი | სცენარისტი | კომპოზიტორი | მსახიობი | ||
| 1961 | „ახალგაზრდა სიყვარული“ | დიახ | არა | არა | დიახ |
| 1962 | „კარუსელი“ | დიახ | არა | არა | დიახ |
| 1964 | „ქორწილი“ | დიახ | დიახ | დიახ | არა |
| 1967 | „ქოლგა“ | დიახ | დიახ | დიახ | არა |
| 1969 | „მუსიკოსები“ | დიახ | დიახ | დიახ | დიახ |
| 1977 | „რბოლა“ | არა | დიახ | არა | არა |
| 1977 | „სიცოცხლის ფასი“ | არა | არა | არა | დიახ |
| 1977 | „ანემია“ | არა | არა | არა | დიახ |
| 1978 | „რამდენიმე ინტერვიუ პირად საკითხებზე“ | არა | არა | არა | დიახ |
| 1987 | „ორშაბათი“ | არა | დიახ | არა | არა |
| 1997 | „იასამანი“ | არა | არა | არა | დიახ |
| 2002 | „Sur le chemin“ | დიახ | არა | არა | არა |
| 2003 | „გზაზე“ | დიახ | არა | არა | არა |
| 2004 | „Les joues rouges“ | არა | არა | არა | დიახ |
| 2005 | „წმინდა მელა“ | არა | დიახ | არა | არა |
ლიტერატურა
[რედაქტირება | წყაროს რედაქტირება]- დოლიძე, გ., ქართული საბჭოთა ენციკლოპედია, ტ. 5, თბ., 1980. — გვ. 565.
რესურსები ინტერნეტში
[რედაქტირება | წყაროს რედაქტირება]- მიხეილ კობახიძე — ეროვნული ფილმოგრაფია
- მიხეილ კობახიძე — საქართველოს ბიოგრაფიული ლექსიკონი
- მიხეილ კობახიძე კინოფილმების ინტერნეტ-მონაცემთა ბაზაში
- მიხეილ კობახიძე — Аниматор.ру
- Лариса Миллер — „Старый Зонтик“
- Франсуаз Навай — «Михаил Кобахидзе : Человек, которому препятствовали»
სქოლიო
[რედაქტირება | წყაროს რედაქტირება]- ↑ Mikhail Kobakhidze დაარქივებული 2012-04-25 საიტზე Wayback Machine. . ბრიტანულ-ქართული საზოგადოება (ინგლისური)
- ↑ გარდაიცვალა კინორეჟისორი მიხეილ კობახიძე
Text is available under the CC BY-SA 4.0 license; additional terms may apply.
Images, videos and audio are available under their respective licenses.
