კვირიკე III
| კვირიკე III | |
|---|---|
 კვირიკე III-ის მონეტა | |
| რანთა და კახთა მეფე | |
| მმართ. დასაწყისი: | 1014 |
| მმართ. დასასრული: | 1037 |
| წინამორბედი: | სამეფო შეიქმნა |
| მემკვიდრე: | გაგიკი |
| კახეთის ქორეპისკოპოსი | |
| წინამორბედი: | დავითი |
| გარდ. თარიღი: | 1037 |
| შვილები: | ელენე |
კვირიკე III — კახეთ-ჰერეთის მეფე 1010/1014-1037 წლებში.
ცხოვრება
[რედაქტირება | წყაროს რედაქტირება]კვირიკე III-ს მმართველობის დროს სამეფომ სახელმწიფოებრივ, ადმინისტრაციულ და სამხედრო ძლიერებას მიაღწია. კვირიკე III-მ გააერთიანა კახეთ-ჰერეთი და მიიღო მეფის ტიტული. სამეფო დაყო ადმინისტრაციულ ერთეულებად - 7 საერისთავოდ (რუსთავის, კვეტერის, პანკისის, ხორნაბუჯის, ვეჯინის, მაჭის და შტორის). სამეფოს დედაქალაქი გახდა თელავი. დაახლოებით 1027-1032 წწ. კვირიკე III-ის ინიციატივით მოეწყო კოალიციური ლაშქრობა განძის ამირა ფადლონის წინააღმდეგ. მონაწილეობდნენ ქართლის ფეოდალები ლიპარიტ ბაღვაში და ივანე აბაზასძე, თბილისის ამირა ჯაფარი და სომეხთა მეფე დავითი. მდინარე ეკლეცზე საქართველოს ლაშქარმა ფადლონი დაამარცხა. დაახლოებით ამავე წლებში კვირიკე III-მ სძლია ოსთა მეფე ურდურეს, ბრძოლაში ურდურე მოკლეს. 1037 წელს კვირიკე III მონაწილეობდა ლიპარიტ ბაღვაშის მიერ თბილისის ამირის წინააღმდეგ მოწყობილ ლაშქრობაში. თბილისის ხანგრძლივი ალყის დროს კვირიკე III მოუკლავს ოს მონას "სისხლისათვის ოვსთა მეფისა ურდურესი" (ვახუშტი ბატონიშვილი).
საფლავის აღმოჩენა
[რედაქტირება | წყაროს რედაქტირება]
2017 წლის 23 აგვისტოს კალაურის ნათლისმცემლის სამონასტრო კომპლექსში აღმოაჩინეს „რანთა და კახთა მეფის“ საფლავი, როგორც სპეცილისტები ვარაუდობენ ეს საფლავი ეკუთვნის კახეთის მეფე კვირიკე III-ს[1].
ინფორმაცია საფლავის აღმოჩენის შესახებ საქართველოს ჩოხოსანთა საზოგადოების წევრმა ზვიად სეხნიაშვილმა სოციალური ქსელის მეშვეობით გამოაქვეყნა. მისი ინფორმაციით, ნათლისმცემლის სამონასტრო კომპლექსის მთავარი ტაძრის მარჯვენა ეკვდერის რესტავრაციისა და გაწმენდის პროცესში, აღმოაჩინეს XI საუკუნის საფლავი, სადაც წარწერის მიხედვით განისვენებს "რანთა და კახთა მეფე..."[2].
თუმცა როგორც კულტურის სამინისტრომ გაავრცელა ინფორმაცია სოფელ კალაურის ტაძარში ნაპოვნი სამარხი კვირიკე III-ის არ აღმოჩნდა[3].
ლიტერატურა
[რედაქტირება | წყაროს რედაქტირება]- პაპუაშვილი თ., ჰერეთის ისტორიის საკითხები, თბ., 1970
- პაპუაშვილი თ., ქართული საბჭოთა ენციკლოპედია, ტ. 5, თბ., 1980. — გვ. 499.
სქოლიო
[რედაქტირება | წყაროს რედაქტირება]- ↑ გურჯაანში კახეთის მეფე კვირიკე III -ის საფლავს მიაკვლიეს. დაარქივებულია ორიგინალიდან — 2020-12-03. ციტირების თარიღი: 2017-08-25.
- ↑ ტელეკომპანია „იმედი“ - გურჯაანში კახეთის მეფე კვირიკე III -ის საფლავს მიაკვლიეს. დაარქივებულია ორიგინალიდან — 2020-12-03. ციტირების თარიღი: 2017-08-25.
- ↑ სოფელ კალაურის ტაძარში ნაპოვნი სამარხი კვირიკე III-ის არ აღმოჩნდა. დაარქივებულია ორიგინალიდან — 2020-12-03. ციტირების თარიღი: 2018-02-22.
| წინამორბედი: დავითი |
კახეთის ქორეპისკოპოსი 1014 - 1037 |
შემდეგი: გაგიკი |
| |||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
