ქალაქი
კარლოვი-ვარი Karlovy Vary
დროშა გერბი
ქვეყანა	ჩეხეთი
შიდა დაყოფა	Bohatice[1] , Cihelny[1] , Čankov[1] , Doubí[1] , Drahovice[1] , Dvory[1] , Hůrky[1] , Olšová Vrata[1] , Počerny[1] , Rosnice[1] , Rybáře[1] , Sedlec[1] , Stará Role[1] , Tašovice[1] და Karlovy Vary
კოორდინატები	50°14′00″ ჩ. გ. 12°52′00″ ა. გ. / 50.23333° ჩ. გ. 12.86667° ა. გ. / 50.23333; 12.86667
მმართველი	Andrea Pfeffer Ferklová[2]
დაარსდა	1350
პირველი ხსენება	1350, 1349
ფართობი	59.10 კმ²
ცენტრის სიმაღლე	447 მ
მოსახლეობა	53,708 კაცი (2008)
სიმჭიდროვე	909 კაცი/კმ²
სასაათო სარტყელი	ცენტრალური ევროპის საზაფხულო დრო, UTC+1 და UTC+2
საფოსტო ინდექსი	360 01
საავტომობილო კოდი	K
ოფიციალური საიტი	https://mmkv.cz/
კარლოვი-ვარი ვიკისაწყობში

კარლოვი-ვარი (ჩეხ. Karlovy Vary, გერმ. Karlsbad) — საკურორტო მნიშვნელობის ქალაქი ჩეხეთში. მდებარეობს დასავლეთ ბოჰემიაში, ოგრჟეს ხეობაში, მდინარე ტეპლის შესართავთან, ზღვის დონიდან 447 მ სიმაღლეზე. დედაქალაქ პრაღიდან დასავლეთით მდებარეობს დაახლოებით 130 კმ-ში. სახელი ეწოდა საღვთო რომის იმპერატორის კარლ IV-ის პატივსაცემად, რომელმაც დააარსა ქალაქი 1370 წელს. ისტორიულად არის განთქმული თავისი მრავალრიცხოვანი ცხელი წყაროებით. სულ მოიპოვება 13 ძირითადი და 300-მდე მცირე წყარო, აგრეთვე მდინარე ტეპლის თბილი წყლები.

კარლოვი-ვარი XIX საუკუნეში გადაიქცა მნიშვნელოვან საკურორტო ზონად, სადაც აშენდა მრავალი სანატორიუმი, აბაზანა და სასტუმრო. განთქმულია აგრეთვე კარლოვი-ვარის საერთაშორისო კინოფესტივალითა და ბეხეროვკას ლიქიორით. სიახლოვეს არის ფაიფურის დიდი ქარხანა. არაერთი სახელგანთქმული ადამიანი სტუმრობდა კარლოვი-ვარს როგორც სამკურნალო ბალნეოლოგიურ კურორტს, მათ შორის იყვნენ კომპოზიტორები: ლუდვიგ ვან ბეთჰოვენი, ფრედერიკ შოპენი, იოჰანეს ბრამსი, ბედრჟიხ სმეტანა, პოეტები იოჰან ვოლფგანგ ფონ გოეთე, ფრიდრიხ შილერი, მეფე პეტრე I დიდი.

ჰავა ზომიერად ნოტიოა. დამახასიათებელია თბილი ზაფხული (ივლისის საშუალო ტემპერატურა 17,3°C) და ძალიან რბილი ზამთარი (იანვრის საშუალო ტემპერატურა –2°C). ატმოსფერული ნალექების რაოდენობა წელიწადში შეადგენს 620 მმ-ს. სამკურნალო საშუალებას წარმოადგენს: ნახშირმჟავა სულფატურ-ჰიდროკარბონატული ნატრიუმიანი თერმული წყაროების წყალი, რომელთა ტემპერატურა იცვლება 41,2°C-დან 72,2°C-მდე. იყენებენ სასმელად, ჩამოსასხმელად, აბაზანებისათვის, შესასხურებლად, ინჰალაციისათვის, ნაწლავების ამოსარეცხად და სხვ. გარდა ამისა, არის ტორფის ტალახით მკურნალობა. მთავარი წყაროა ვრჟიდლო, ეგრეთ წოდებული შპრუდელი, რომლის წყლისაგან იღებენ კარლოვი-ვარის მარილს.

ძირითადი სამედიცინო ჩვენებებია: ღვიძლის, სანაღვლე გზების, კუჭ-ნაწლავის ტრაქტისა და საშარდე გზების დაავადებანი, ნივთიერებათა ცვლის მოშლა.

გერმანიაში ქალაქი ცნობილია კარლსბადის სახელწოდებით. საკუთრივ „ვარი“ ნიშნავს ცხელს წყაროებს.

ქალაქ კარლოვი-ვარში იმოგზაურა ცნობილმა ქართველმა მწერალმა, მეცნიერმა და მოგზაურმა თეიმურაზ ბატონიშვილმა (1782-1846). მან აღწერა ქალაქის ბაზარი და სახელგანთქმული მინერალური წყლები.

• ჩეხეთის ქალაქების სია

• ოფიციალური საიტი (ჩეხური)
• კარლოვი-ვარი — სტატია ენციკლოპედია ბრიტანიკიდან (ინგლისური)

ხ • გ • რ მსოფლიო მემკვიდრეობის ძეგლები ჩეხეთში ჩესკი-კრუმლოვის ისტორიული ცენტრი · პრაღის ისტორიული ცენტრი · ტელჩის ისტორიული ცენტრი · წმინდა იოანე ნეპომუკელის ეკლესია · კუტნა-ჰორას ისტორიული ცენტრი · ლედნიცე-ვალტიცეს კულტურული ლანდშაფტი · კრომერჟიჟის არქიეპისკოპოსის სასახლე · ჰოლაშოვიცე · ლიტომიშლი · ოლომოუცის წმინდა სამების კოლონა · ტუგენდჰატის ვილა · ტრშებიჩის წმინდა პროკოფის ბაზილიკა · კლადრუბის ცხენების მოშენებისა და საცერემონიო ეტლებისათვის წვრთნის ლანდშაფტი · მადნის მთების სამთამადნო რეგიონი · ევროპის დიდი საკურორტო ქალაქები: ფრანტიშკოვი-ლაზნე, კარლოვი-ვარი, მარიანსკე-ლაზნე · ჟატეცი და სააზის სვიის ლანდშაფტი