თავზეხელაღებული
თავზეხელაღებული. ჯონ რომიტა უმცროსის ნამუშევარი. 1994 წ.
გამოცემის ინფორმაცია
გამომცემელი	Marvel Comics
პირველი გამოჩენა	Daredevil #1 (აპრილი 1964)
ავტორ(ებ)ი	სტენ ლი, ბილ ევერნეტი
დახასიათება
ალტერ ეგო	მეთიუ მაიკლ „მეტ“ მერდოკი
მოკავშირეები	ელექტრა შავი ქვრივი
შესაძლებლობა	სუპერადამიანური მგრძნობელობა ძლიერი ატლეტი გამოცდილი დეტექტივი ძლიერი აკრობატი, ექსპერტი საბრძოლო ხელოვნებასა და გიმნასტიკაში

თავზეხელაღებული (ინგლ. Daredevil) — Marvel Comics-ის გამოგონილი პერსონაჟი. მისი შემქმნელები სცენარისტი სტენ ლი და მხატვარი ბილ ევერეტი არიან. მის შექმნაში ასევე დიდი წვლილი მიუძღვის ჯეკ კირბის ^[1]. პერსონაჟი პირველად გამოჩნდა კომიქსში „თავზეხელაღებული #1“.

სიუჟეტით, ნიუ-იორკში, ჯოჯოხეთის სამზარეულოში მცხოვრები მეტ მერდოკი დაბრმავებულია მანქანიდან გადმოვარდნილი, რადიოაქტიური ნივთიერებისგან. მას აღარ შეუძლია ხედვა, მაგრამ რადიოაქტიური ნივთიერების გავლენა მის დარჩენილ გრძნობებს აძლიერებს ზეადამიანურ დონემდე. მამამისი ჯეკ მერდოკი, ახალგაზრდობაში ეხმარება. მაგრამ ჯეკს მოგვიანებით მოკლავენ განგსტერები, რომლებსაც უარი უთხრა თამაშის ჩაწყობაზე. თავისი წითელი და ყვითელი, მოგვიანებით კი მთლიანად შავი და წითელი ფერის კოსტიუმის ჩაცმით, თავზეხელაღებული ცდილობს შური იძიოს მამამისის მკვლელებზე, თავის მეტოქეებთან, მათ შორის დაღიანსა და კინგპინთან, ბრძოლაში. თავზეხელაღებულის მეტსახელია „უშიშარი ადამიანი“ ^[2].

თავზეხელაღებულზე ისეთი ცნობილი მხატვრები მუშაობდნენ, როგორები არიან ევერეტი, კირბი, უოლი ვუდი, ჯონ რომიტა უფროსი და ჯენე კოლანი. მაგრამ პერსონაჟმა ყველაზე დიდი პოპულარობა და მნიშვნელოვანი ადგილი მარველის კომიქსების სამყაროში დაიკავა, 1980-იან წლებში, მასზე შექმნილი ფრენკ მილერის ისტორიებით. მას შემდეგ პერსონაჟი გამოჩნდა სხვადასხვა მედიაში, ანიმაციურ ფილმებსა და ტელესერიალებში, სათამაშო ფიგურების, ვიდეო თამაშების და ა.შ. სახით. 2003 წელს სრულმეტრაჟიან მხატვრულ ფილმში მისი როლი ბენ აფლეკმა შეასრულა, ხოლო ჩარლი კოქსი განასახიერებს Netflix-ის ტელესერიალში.

ადრეულ წლებში თავზეხელაღებული ებრძოდა უამრავ კოსტიუმიან სუპერბოროტმოქმედს. პირველი მათგანი იყო ელექტრო, თავზეხელაღებული #2-ში. ის ცნობილი იყო, როგორც ადამიანი ობობას მტერი. წლების განმავლობაში სერიაში შეიქმნა უამრავი რეგულარული ბოროტმოქმედი: ბუ, ალისფერი-კაცი, ბატონი შიში ^[3], გლადიატორი, ჯესტერი, სიკვდილის-მწვრთნელი და სხვები. აგრეთვე ცნობილია კობრას და მისტერ ჰაიდის წყვილი. თავზეხელაღებულის ფსიქოპატი მოწინააღმდეგე დაღიანი პირველად სერიის #131-ე ნომერში გამონდა, მარვ ვულფმანის ავტორობით და ხშირად ასრულებდა მთავარი ანტაგონისტის როლს სერიაში, მომდევნო ექვსი წლის განმავლობაში.

ფრენკ მილერის ავტორობის გამოცემებში იშვიათად გამოიყენებოდა თავზეხელაღებულის ტრადიციული მეტოქეები. სანაცვლოდ მილერმა თავზეხელაღებულის მთავარ მეტოქედ აქცია კინგპინი, რომელმაც მისი ვინაობა იცოდა. მილერმა აგრეთვე შექმნა ელექტრა, რომელიც თავდაპირველად დაქირავებული მკვლელი, შემდგომში კი მეტ მერდოკის შეყვარებული იყო. ამ პერსონაჟს ერთ-ერთი მთავარი ადგილი უკავია თავზეხელაღებულის მითოლოგიაში. დამსჯელი ფრენკ კასტლი სერიაში ჩნდება როგორც თავზეხელაღებულის მეტოქე, დროდადრო — მოკავშირეც. თავზეხელაღებულის 254-ე ნომერში, ენ ნოცენტიმ წარმოადგინა პერსონაჟი სისხლიანი მერი, რომელიც კინგპინის დაქირავებული მკვლელი იყო, პიროვნების გაორებით, რამაც თავზეხელაღებულის მეტოქედ აქცია.

• თავზეხელაღებული Marvel-ის სამყაროს ვიკიში