ბურგუნდები — აღმოსავლეთ გერმანული ტომი. ძვ. წ. II საუკუნის დამლევამდე ბინადრობდნენ კ. ბურგუნდარჰოლმზე (ბორნჰოლმი). ახ. წ. I საუკუნეში დასახლდნენ კონტინენტზე მდინარეებს ვისლასა და ოდერს შორის. IV საუკუნეში შეიჭრნენ მდინარე მაინის მიდამოებში. 406 წელს ბურგუნდებმა რაინის სანაპიროზე დააარსეს სამეფო, რომლის ცენტრი ვორმსი 436 წელს დაანგრიეს ჰუნებმა. 443 წელს ბურგუნდები რომის ფედერატების უფლებით დასახლდნენ სავოიის ტერიტორიაზე. შემდეგ ისარგებლეს რომის იმპერიის დასუსტებით, 457 წელს დაიკავეს მდინარე რონის აუზი და დააარსეს სამეფო (ცენტრი - ლიონი). ეს ერთ-ერთი პირველი ბარბაროსული სამეფო იყო დასავლეთ რომის იმპერიის მიწა-წყალზე. დიდ ძლევამოსილებას მიაღწიეს ბურგუნდებმა გუნდობადის მეფობაში (მის დროს ჩაიწერა „ბურგუნდთა სამართალი“). რელიგიით ისინი არიანელები იყვნენ. გალებისა და რომაელების შერეულ სოფლებში ჩასახლებულ ბურგუნდებში ირღვეოდა გვაროვნული ურთიერთობა და ფეოდალური ურთიერთობა ისახებოდა. VI საუკუნის დამდეგს ბურგუნდებმა, რომლებმაც ძლიერი რომანიზაცია განიცადეს, კათოლიკობა მიიღეს. 534 წელს სამეფო საბოლოოდ შეუერთდა ფრანკთა სახელმწიფოს.

• Bury, J.B. The Invasion of Europe by the Barbarians. London: Macmillan and Co., 1928.
• Dalton, O.M. The History of the Franks, by Gregory of Tours. Oxford: The Clarendon Press, 1927.
• Drew, Katherine Fischer. The Burgundian Code. Philadelphia: University of Pennsylvania Press, 1972.
• Gordon, C.D. The Age of Attila. Ann Arbor: University of Michigan Press, 1961.
• Murray, Alexander Callander. From Roman to Merovingian Gaul. Broadview Press, 2000.
• Musset, Lucien. The Germanic Invasions: The Making of Europe AD 400-600. University Park, Pennsylvania: The Pennsylvania State University Press, 1975.
• Nerman, Birger. Det svenska rikets uppkomst. Generalstabens litagrafiska anstalt: Stockholm. 1925.
• Rivers, Theodore John. Laws of the Salian and Ripuarian Franks. New York: AMS Press, 1986.
• Rolfe, J.C., trans, Ammianus Marcellinus. Cambridge, Massachusetts: Harvard University Press, 1950.
• Shanzer, Danuta. ‘Dating the Baptism of Clovis.’ In Early Medieval Europe, volume 7, pages 29–57. Oxford: Blackwell Publishers Ltd, 1998.
• Shanzer, D. and I. Wood. Avitus of Vienne: Letters and Selected Prose. Translated with an Introduction and Notes. Liverpool: Liverpool University Press, 2002.
• Werner, J. (1953). "Beiträge sur Archäologie des Attila-Reiches", Die Bayerische Akademie der Wissenschaft. Abhandlungen. N.F. XXXVIII A Philosophische-philologische und historische Klasse. Münche
• Wood, Ian N. ‘Ethnicity and the Ethnogenesis of the Burgundians’. In Herwig Wolfram and Walter Pohl, editors, Typen der Ethnogenese unter besonderer Berücksichtigung der Bayern, volume 1, pages 53–69. Vienna: Denkschriften der Österreichische Akademie der Wissenschaften, 1990.
• Wood, Ian N. The Merovingian Kingdoms. Harlow, England: The Longman Group, 1994.