ბელა მირიანაშვილი
ბელა მირიანაშვილი, კადრი ფილმიდან „დღე უკანასკნელი, დღე პირველი“
დაბადების თარიღი	1 აპრილი, 1938 თბილისი, საქართველოს სსრ
გარდაცვალების თარიღი	28 აგვისტო, 1992 (54 წლის) თბილისი
საქმიანობა	მსახიობი
მეუღლე(ები)	კახი კავსაძე
შვილ(ებ)ი	ნანუკა ხუსკივაძე, ირაკლი კავსაძე

ბელა მირიანაშვილი (დ. 1 აპრილი, 1938, თბილისი — გ. 28 აგვისტო, 1992, იქვე) — ქართველი მსახიობი. საქართველოს დამსახურებული არტისტი (1976).

დაიბადა ქალაქ თბილისში 1938 წლის 1 აპრილს. თბილისის პირველი მუსიკალური სასწავლებლის დამთავრების შემდეგ 1952 წელს შევიდა თბილისის ოპერისა და ბალეტის სახელმწიფო თეატრთან არსებულ ქორეოგრაფიულ სასწავლებელში, სადაც სწავლობდა 4 წელი. 1960 წელს დაამთავრა შოთა რუსთაველის სახელობის საქართველოს სახელმწიფო თეატრალური ინსტიტუტის სამსახიობო ფაკულტეტი. ინსტიტუტის მეორე კურსიდან მიწვეული იქნა კინოში, ხოლო მეოთხე კურსიდან მიწვეულ იქნა შოთა რუსთაველის სახელობის სახელმწიფო თეატრის სცენაზე. 1974 წლიდან მუშაობდა რეჟისორ რობერტ სტურუას ასისტენტად.

დაქორწინებული იყო მსახიობ კახი კავსაძეზე, შეეძინათ ვაჟი ირაკლი კავსაძე. პირველი ქორწინებიდან შეეძინა ქალიშვილი ნანუკა ხუსკივაძე.^[1]

თბილისში არსებობს მისი სახელობის ქუჩა.

• 1957: „საბუდარელი ჭაბუკი“ (თებროლე) რეჟ. შოთა მანაგაძე^[2]
• 1958: „მამლუქი“ რეჟ. დავით რონდელი^[3]
• 1959: „დღე უკანასკნელი, დღე პირველი“ (ლამარა) რეჟ. სიკო დოლიძე^[4]
• 1959: წარსული ზაფხული (ლიანა) რეჟისორები გენო წულაია, ნელი ნენოვა^[5]
• 1961: „უდიპლომო სასიძო“ (ნანი) რეჟ. ლევან ხოტივარი^[6]
• 1963: „ცეროდენა რაინდები“ (რუსუდანი) რეჟისორები გენო წულაია, ნელი ნენოვა^[7]

• ალექსანდრე აფინოგენოვის „მაშენკა“ (გალინკა)
• ალფრედ ჟერის „მეექვსე სართული“ (ჟანეტა) რეჟ. მიხეილ თუმანიშვილი
• მაქსიმ გორკის „ვასა ჟელეზნოვა“ (ლუდმილა)
• ჯონ ბოინტონ პრისტლის „დრო და კონვეის ოჯახი“ (კეროლი)
• ეჟენ სკრიბის „ჭიქა წყალი“ (აბიგაილი)
• ჯონ გოლზუორთის „ვაშლის ყვავილობა“ (მიგენი)

• სერგო კლდიაშვილის „ქარიშხალში“ (მაგდა)
• ვალერიან კანდელაკის „ქართლის ჩირაღდნები“ (თამრიკო)
• გიორგი ნახუცრიშვილის „ჭინჭრაქა“ (მზია)
• ნოდარ დუმბაძის „მზიანი ღამე“ (გულიკო)
• აქვსენტი ცაგარელის „ხანუმა“ (სონა)
• რევაზ თაბუკაშვილის „რაიკომის მდივანი“ (ელენე)
• ვიქტორ როზოვის „ვახშმობის წინ“ (ქეთინო) რეჟ. რობერტ სტურუა
• უილიამ შექსპირის „ზაფხულის ღამის სიზმარი“, „მეფე ლირი“ (პაკი, კორდელია)
• უილიამ გიბსონის „სასწაულმოქმედი“ (ელენ კილერი)
• ბ. ბლაჟეკის „მესამე სურვილი“ (ვერა) რეჟ. რობერტ სტურუა
• ანტუან დე სენტ-ეგზიუპერის „პატარა უფლისწული“ (უფლისწული)
• ეჟენ ლაბიშის „ჩალის ქუდი“ (ელენე)
• ტენესი უილიამსის „შუშის სამხეცე“ (ლაურა)

• 1976: საქართველოს სსრ-ის დამსახურებული არტისტი

• ბელა მირიანაშვილი კინოფილმების ინტერნეტ-მონაცემთა ბაზაში
• ბელა მირიანაშვილი [დაარქივებული] — ეროვნული ფილმოგრაფია
• ბელა მირიანაშვილი — საქართველოს ბიოგრაფიული ლექსიკონი