ბადრი პატარკაციშვილი
| ბადრი პატარკაციშვილი | |
|---|---|
 | |
| დაბადების თარიღი | 31 ოქტომბერი, 1955[1] |
| დაბადების ადგილი | თბილისი |
| გარდაცვალების თარიღი | 12 თებერვალი, 2008[2] [1] (52 წლის) |
| გარდაცვალების ადგილი | Leatherhead |
| მოქალაქეობა |
 სსრკ საქართველო |
| განათლება | საქართველოს ტექნიკური უნივერსიტეტი |
არკადი (ბადრი) პატარკაციშვილი (დ. 31 ოქტომბერი, 1955. თბილისი — გ. 12 თებერვალი, 2008, ლონდონი[3][4][5]) — ქართველი ბიზნესმენი, ჰოლდინგის სს „ი-მედიას“ დამფუძნებელი, საქართველოს ეროვნული ოლიმპიური კომიტეტის ყოფილი პრეზიდენტი.
ბიოგრაფია
[რედაქტირება | წყაროს რედაქტირება]ბადრი პატარკაციშვილი დაიბადა თბილისში, საქართველოს სსრ. მშობლები: ნათელა და შალვა პატარკაციშვილები. მეუღლე — ინნა გუდავაძე. შვილეები: ლიანა (დაბადებული 1980 წ.) და ია (დაბადებული 1983 წ.). დაამთავრა საქართველოს პოლიტექნიკური ინსტიტუტი. იყო თბილისის მაუდ-კამვოლის კომბინატ „საბჭოთა საქართველოს“ თანამშრომელი, შემდეგში ამავე კომბინატის დირექტორის მოადგილე. 1990 წელს იყო „ლოგოვაზის“ კავკასიის რეგიონალური წარმომადგენლობის დირექტორი, 1992-93 წწ.-ში გენერალური დირექტორის მოადგილე და პირველი მოადგილე 1994 წელს. ასოციაცია „როსიისკიე ავტომობილნიე დილერი“-ს ვიცე-პრეზიდენტი (1994-95). იყო რუსეთის საზოგადოებრივი ტელევიზიის (ОРТВ) გენერალური დირექტორის მოადგილე და 1996-2001 წწ.-ში გაერთიანებული ბანკის (რუსეთი) დირექტორთა საბჭოს თავმჯდომარე. 2001 წელს რუსული ტელეკომპანია ТВ-6-ის გენერალური დირექტორი და დირექტორთა საბჭოს თავმჯდომარე. 2001 წლიდან მოღვაწეობდა საქართველოში. არის ჰოლდინგ სს „ი-მედიას“ დამფუძნებელი და ინვესტორთა ჯგუფის ხელმძღვანელი. საქართველოს ოლიმპიური ფონდის დამფუძნებელი და 2002-2007 წლებში საქართველოს ოლიმპიური კომიტეტის პრეზიდენტი. „ბადრი პატარკაციშვილის საქველმოქმედო ფონდის“ დამფუძნებელი. 2005 წლიდან დაუპირისპირდა საქართველოს ხელისუფლებას. 2007 წელს საცხოვრებლად გადავიდა გაერთიანებულ სამეფოში. 2008 წელს მონაწილეობდა საპრეზიდენტო არჩევნებში.
გარდაცვალება
[რედაქტირება | წყაროს რედაქტირება]ლონდონში ცნობილი ქართველი ბიზნესმენი, პრეზიდენტობის ყოფილი კანდიდატი ბადრი პატარკაციშვილი, 12.02.2008, გვიან ღამით გულის შეტევით გარდაიცვალა. ბიზნესმენ ბადრი პატარაკაციშვილის გარდაცვალების ფაქტი მისი პრესსამსახურმაც დაადასტურა.ოჯახის სხვა ახლობლები კი აცხადებენ, რომ ბადრი პატარკაციშვილი მოკლეს, ის იყო სრულიად ჯანმრთელი.
პატარკაციშვილი 52 წლის იყო.
რესურსები ინტერნეტში
[რედაქტირება | წყაროს რედაქტირება]
შეგიძლიათ იხილოთ მედიაფაილები თემაზე „ბადრი პატარკაციშვილი“ ვიკისაწყობში.- ბადრი პატარკაციშვილი
სქოლიო
[რედაქტირება | წყაროს რედაქტირება]- ↑ 1.0 1.1 Encyclopædia Britannica
- ↑ http://www.timesonline.co.uk/tol/news/uk/article3362061.ece
- ↑ http://www.forbes.com/2008/02/14/badri-patarkatsishvili-georgia-face-cx_ll_0213autofacescan04.html
- ↑ http://rt.com/news/saakashvili-critics-death-suspicious/
- ↑ Badri Patarkatsishvili, a Death Too Strange & Sudden - Kommersant Moscow. დაარქივებულია ორიგინალიდან — 2016-01-06. ციტირების თარიღი: 2014-12-16.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
