ალბერტო კორდა
ალბერტო დიას გუტიერესი, უფრო ცნობილი, როგორც ალბერტო კორდა ან უბრალოდ კორდა (დ. 14 სექტემბერი, 1928, ჰავანა — გ. 25 მაისი, 2001, პარიზი) — კუბელი ფოტოგრაფი. მან ყველას თავი დაამახსოვრა თავის განთქმული ფოტოთი Guerrillero Heroico, რომელიც მან არგენტინელ მარქსისტ რევოლუციონერ ერნესტო ჩე გევარას გადაუღო.
ბიოგრაფია
[რედაქტირება | წყაროს რედაქტირება]
1946-1950 წლებში სწავლობდა ჰავანის კანდლერის კოლეჯში (Candler College), შემდეგ კი სწავლა განაგრძო ჰავანის ბიზნეს-აკადემიაში. 1956 წელს მან დაარასა საკუთარი სტუდია ჰავანაში, სადაც დროის უდიდეს ნაწილს ატარებდა. 1959-1962 წლებში იგი იყო კუბის ყოველდღიური გაზეთის - „Revolución“-ის რეპორტიორი.[1]
ფსევდონიმი კორდა აღებული იქნა უნგრელი რეჟისორის - ალექსანდერ კორდას პატივსაცემად.[2]
როგორც „Revolución“-ის ფოტოგრაფმა, კორდამ 1960 წლის 5 მარტს გადაიღო ჩე გევარას საკულტო ფოტო, რომელიც მსოფლიო მასშტაბით გახდა რევოლუციისა და წინააღმდეგობის სიმბოლო. ის არასოდეს ითხოვდა საავტორო უფლებებს სურათზე, რადგან ფიდელ კასტრო არ ცნობდა ბერნის კონვენციას. მიუხედავად ამისა, 2000 წელს მან მოიგო საქმე არყის მწარმოებელი კომპანია Smirnoff-ის წინააღმდეგ, რომელიც სურათს სარეკლამოდ იყენებდა. ფოტოს არალეგალურად გამოყენების თაობაზე კომენტარის გაკეთებისას, კორდამ განაცხადა: „მე, როგორც იმ იდეალების მხარდამჭერი, რისთვისაც ჩე გევარა მოკვდა, არანაირი პრეტენზია არ მაქვს მათ მიმართ, ვისაც ფოტოს გავრცელება ჩეს ხსოვნისა და სოციალური სამართლიანობის მიზნით სურს, მეთელს მსოფლიოში, მაგრამ კატეგორიულად ვეწინააღმდეგები ჩეს სურათის გამოყენებას პროდუქტების რეკლამირებისთვის, მაგალითად ალკოჰოლზე ან სხვა მავნე საქონელზე, რაც ჩეს რეპუტაციას ლახავს“. მიღებული 50 000 $ მან კუბის ჯანდაცვის სისტემას შესწირა და განაცხადა: „თუ ჩე ცოცხალი იქნებოდა, ის ისევე მოიქცეოდა, როგორც მე“.
რევოლუციის შემდეგ, 10 წლის განმავლობაში, 1968—1978 წლებში კორდა ფიდელ კასტროს პირად ფოტოგრაფად მუშაობდა. 1978 წლის იაპონიის გამოფენისთვის, ის კონცენტრირებული იყო წყალქვეშა ფოტოგრაფიაზე. მისმაგ ნამუშევრებმა საერთაშორისო ყურადღება მიიპყრო. 2005 წელს, სიკვდილიდან 4 წლის შემდეგ ალბერტო კორდა სრულმეტრაჟიანი დოკუმენტური ფილმის − „კორდავიზიონის“ გმირად იქცა.
კორდა 2001 წელს პარიზში, თავისი შოუს დროს გარდაიცვალა გულის შეტევით. დაკრძალულუა ჰავანაში, კოლონის სასაფლაოზე.
რესურსები ინტერნეტში
[რედაქტირება | წყაროს რედაქტირება]- Photographs by Alberto Korda დაარქივებული 2011-07-07 საიტზე Wayback Machine.
- Alberto Korda, by Bill Lasarow დაარქივებული 2011-09-30 საიტზე Wayback Machine.
- BBC: News report on Korda's death
- BBC: "Guevara's Image Saved from Drink", September 15, 2000
- Frontline: On Alberto Korda, the photographic chronicler of the Cuban revolution დაარქივებული 2007-04-26 საიტზე Wayback Machine.
- The story of Korda's Che Guevara Image დაარქივებული 2006-09-07 საიტზე Wayback Machine.
- Korda's Che Guevara Image. Che Guevara aniverary in "La Patria Grande Caracas
- Sun Sentinel: Exhibit: "Korda, Known. Unknown" now in Havana დაარქივებული 2009-02-11 საიტზე Wayback Machine. November 10, 2008
- Washington Post: Cuba by Korda - Photo Collection
- History of a portrait დაარქივებული 2009-08-17 საიტზე Wayback Machine. Articles on Alberto Korda picture of Che, taken March 5, 1960
- Korda Photos of Fidel Castro and Che Guevara - slideshow by BBC News
- Photos of early days of Cuban Revolution by Alerto Korda
სქოლიო
[რედაქტირება | წყაროს რედაქტირება]- ↑ V&A — Che Guevara: Revolutionary & Icon
- ↑ Alberto Korda დაარქივებული 2011-09-30 საიტზე Wayback Machine. by Bill Lasarow
| |||||||||||||||||||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
