Shimenawa (注連縄, Shimenawa^?) inggih punika tali ingkang dipunpasang minangka garis watesan antawisipun kawasan suci kaliyan kawasan kadonyan ^[1]. Shimenawa dipunpasang déning pangurus kuik ing sekitaring kuil Shinto, goshintai (objek pamujan), watu ageng, wit ingkang ageng, grojogan (air terjun), utawi minangka tandha pérangan jero kuil Shinto ingkang dipunanggep suci. Istilah shimenawa punika asalipun saking fakta bilih tali (nawa) punika padatanipun dipun-ginakaken déning manungsa kanggé maringi tandha wewengkon ingkang dados kagunganipun.^[2] Lajeng, tembung shime asalipun saking tembung shimeru (占める, shimeru^?) ingkang ateges menduduki utawi memiliki.^[3]

Nalika dipunpasasng minangka satunggaling papan suci, pangkal shimenawa (pérangan ingkang langkung ageng) mapan wonten ing sisih tengen. Shimenawa dipunpasang kaliyan kertas shide. Wonten ing aksara kanji, shimenawa saged dipunserat dados 標縄 utawi 七五三縄 trep kaliyan jumlah tali ingkang dipilin supados mbentuk shimenawa. Bahan kanggé tali mau punika damen (jerami) ^[4]. Shimenawa kinten-kinten wonten gegayutan ingkang raket kaliyan tradisi nenanduran (cocog tanam) pantun wonten ing Jepang.

Tradisi shimenawa punika asalipun saking cariyos Amaterasu ingkang ndelik wonten ing gua Amano-Iwato. Sasampunipun Amaterasu saged dipunpancing supados medal saking Amano-Iwato, Futodama masang shimenawa wonten ing ngajengipun lawang gua supados Amaterasu boyen saged mlebet malih dhateng Amano-Iwato.^[3]

Shimekazari (注連飾り, Shimekazari^?) inggih punika rerenggan (rerenggan) saking shimenawa ingkang dipunpasang nalika ngrayakaken warsa énggal Jepang ing Jepang. Ingkang gadhah dalem utawi gedhong masang shimekazari ing sanginggilipun pintu gerbang kanthi ancas supados arwah ingkang ala boten saged mlebet marang yasan mau. Gumantung tlatah ing Jepang, babagan tanggal kanggé masang shimekazari inggih punika 26 Dhésèmber, 27 Dhésèmber, utawi 28 Dhésèmber. Nanging tanggal 29 Dhésèmber utawi 31 Dhésèmber dipunpitayani minangka dinten ingkang boten saé kanggé wiwitan masang himekazari. Shimekazari ingkang dipunpasang nalika tanggal 31 Dhésèmber namung badhé dados rerenggan sewengi kemawon lan dipunpitayani damel muring toshigami. Tradisi melepas pajangan shimekazari ugi béda-béda gumantung tlatah ing Jepang. Rerengan punika padatanipun dipuniculaken bibar dhahar bubur nanakusa (nanakusa-gayu) nalika anggal 7 Januari utawi paling telat nalika tanggal 15 Januari.

• Kadomatsu

Wikimedia Commons duwé médhia ngenani Shimenawa.

• (ing basa Jepang) Situs web mengenai shimenawa