Viðskiptafræði er fræðigrein sem fæst við rekstur fyrirtækja. Greinin skiptist í nokkrar megingreinar; stjórnun, reikningshald og markaðsfræði. Þó nær viðskiptafræði einnig til fjölbreyttra sviða sem fela í sér verkefnastjórnun, viðskiptaþróun, gæðastýringu (e. Quality assurance), gagnagreiningu, sölu, upplýsingatækni og hagfræði.

Nauðsynlegt er að ljúka grunnámi í háskóla til að öðlast próf í viðskiptafræði. Námið varir venjulega þrjú ár^[1].

Viðksiptafræði skiptist í nokkrar megingreinar. Þrjár þeirra eru stjórnun, reikningshald og markaðsfræði^[1].

Markaðsfræði er fræðigrein sem fjallar um hvernig vara eða þjónusta er kynnt, dreift og seld til viðskiptavina. Hún felst í að skilja þarfir og óskir viðskiptavina, og hvernig best er hægt að mæta þeim með vöru eða þjónustu. Markaðsfræðin notast við ýmsar aðferðir til að ná markmiðum sínum, sem geta verið mismunandi eftir fyrirtækjum, vörum og mörkuðum.

Stjórnun í samhengi fyrirtækisins felst í að skipuleggja, stýra og hafa eftirlit með starfsemi þess og starfsmannahaldi.

Reikningshald er bókhald og umsjón fjármála fyrirtækis samkvæmt reikningsskilareglum. Á Íslandi skal lögum samkvæmt framkvæma reikningsskil samkvæmt reglum Reikningsskilaráðs Íslands.

• Viðskiptadeild - Háskólinn í Reykjavík
• Viðskiptafræði - Háskóli Íslands
• Viðskiptadeild - Háskólinn á Bifröst

  Þessi grein er stubbur. Þú getur hjálpað til með því að bæta við greinina.

1. ↑ ^{1,0 1,1} „Viðskiptafræði – Næsta Skref“. Sótt 11. nóvember 2023.