Í Bandaríkjunum er kosið til forseta á fjögurra ára fresti en á miðju kjörtímabili forseta eru haldnar svokallaðar miðkjörtímabilskosningar (e. midterm elections). Í þeim kosningum er kosið til löggjafarþings Bandaríkjanna ásamt því að kosið er til embætta á lægri stigum stjórnsýslunnar.

Yfirleitt er litið svo á að þessar miðkjörtímabilskosningar séu ákveðinn dómur á það hvernig sitjandi forseti og sá flokkur sem hefur meirihluta í þinginu hefur staðið sig þangað til. Tveggja flokka kerfi er í Bandaríkjunum, demókratar og repúblikanar verandi þeir flokkar sem skipta með sér völdum, og algengast er að meirihluti færist yfir á minnihlutaflokk í þessum kosningum.

Kjörsókn miðkjörtímabilskosninga er yfirleitt afar dræm. Svo virðist vera sem fólk hafi minni áhuga á því að taka þátt í miðkjörtímabilskosningum heldur en kosningunum sem haldnar eru á fjögurra ára fresti. Kjörsókn í ár var einstaklega lítil. Fyrir kosningarnar hafði Gallup gert könnun á áhuga almennings á kosningum og komst þá að þeirri niðurstöðu að kjörsókn yrði líkleg til að vera dræm vegna lítils áhuga á kosningunum. Áhugaleysi kjósenda gæti stafað af því að breytingar væru ólíklegar í stjórnsýslu landsins þrátt fyrir að repúblikanar næðu meirihluta í öldungadeild ásamt því að halda meirihluta sæta í fulltrúadeild þar sem forsetinn væri hvort eð er úr flokki demókrata. Hvatinn til að kjósa virðist vera minni þar sem atkvæðin nýttust ekki til stórra breytinga.^[1]

Bandaríkjaþing skiptist í tvær deildir, fulltrúadeild og öldungadeild. Í miðkjörtímabilskosningum er kosið í öll sæti fulltrúadeildarinnar sem eru 435 ásamt því að kosið er í laus sæti í öldungadeildinni

• Kosningar í Bandaríkjunum 2018

s r b Bandarísk stjórnmál
Stjórnarskrá Bandaríkjanna Hæstiréttur Bandaríkjanna
Bandaríkjaþing	Öldungadeild Bandaríkjaþings Fulltrúadeild Bandaríkjaþings Forseti fulltrúadeildar Bandaríkjaþings
Forseti Bandaríkjanna Varaforseti Bandaríkjanna
Ríkissjóður Bandaríkjanna	Seðlabanki Bandaríkjanna Verðbréfaeftirlit Bandaríkjanna
Stjórnskipan Bandaríkjanna	Fylki Bandaríkjanna Fylkisstjóri
Kosningar	Forsetakosningar Miðkjörtímabilskosningar
Bandarískir stjórnmálaflokkar	Demókrataflokkurinn Repúblikanaflokkurinn