Lai Ching-te
- Þetta er kínverskt nafn: kenni- eða fjölskyldunafnið er Lai, eiginnafnið er Ching-te.
| Lai Ching-te 賴清德 | |
|---|---|
 Lai Ching-te árið 2024. | |
| Forseti Lýðveldisins Kína | |
Núverandi | |
| Tók við embætti 20. maí 2024 | |
| Forsætisráðherra | Cho Jung-tai |
| Varaforseti | Hsiao Bi-khim |
| Forveri | Tsai Ing-wen |
| Varaforseti Lýðveldisins Kína | |
| Í embætti 20. maí 2020 – 20. maí 2024 | |
| Forseti | Tsai Ing-wen |
| Forveri | Chen Chien-jen |
| Eftirmaður | Hsiao Bi-khim |
| Forsætisráðherra Lýðveldisins Kína | |
| Í embætti 8. september 2017 – 14. janúar 2019 | |
| Forseti | Tsai Ing-wen |
| Forveri | Lin Chuan |
| Eftirmaður | Su Tseng-chang |
| Persónulegar upplýsingar | |
| Fæddur | 6. október 1959 Wanli, Taívan |
| Stjórnmálaflokkur | Lýðræðislegi framfaraflokkurinn |
| Maki | Wu Mei-ju (g. 1986) |
| Börn | 2 |
| Háskóli | Háskóli Taívans Cheng Kung-háskóli Harvard-háskóli |
| Starf | Stjórnmálamaður |
Lai Ching-te (kínverska: 賴清德; pinyin: Lài Qīngdé; Tâi-lô: Luā Tshing-tik; f. 6. október 1959), einnig þekktur sem William Lai, er taívanskur stjórnmálamaður og núverandi forseti Lýðveldisins Kína á Taívan.
Lai er meðlimur í Lýðræðislega framfaraflokknum, flokki sem aðhyllist sjálfstæði Taívans og er á móti möguleikanum á því að Taívan gangist undir stjórn Alþýðulýðveldisins Kína á meginlandinu. Lai hefur verið varaforseti Lýðveldisins Kína frá árinu 2020 og var forsætisráðherra í stjórn Tsai Ing-wen frá 2019 til 2017. Hann var kjörinn forseti í kosningum Taívans árið 2024.
Æviágrip
[breyta | breyta frumkóða]Lai Ching-te var varaforseti Lýðveldisins Kína í forsetatíð Tsai Ing-wen frá árinu 2020. Hann hefur orð á sér fyrir að hafa enn sterkari skoðanir um sjálfstæði Taívans en Tsai. Lai vakti reiði stjórnvalda í Alþýðulýðveldinu Kína á meginlandinu árið 2023 þegar hann hafði viðkomu í Bandaríkjunum á leið í heimsókn til Paragvæ.[1]
Lai var frambjóðandi Lýðræðislega framfaraflokksins í forsetakosningum Taívans árið 2024. Í kosningabaráttunni hélt Lai áfram boðskap fráfarandi forsetans Tsai Ing-wen um að verja ætti lýðræðislega stjórnarhætti á Taívan og varðveita sjálfstæði landsins. Stjórnvöld í Kína, sem líta á Taívan sem óaðskiljanlegan hluta kínverska ríkisins, hafa brugðist illa við orðræðu Lai og flokks hans og hafa kallað Lai „hættulegan aðskilnaðarsinna“.[2]
Lai vann kosningarnar þann 13. janúar 2024 með 40% atkvæða gegn 33,5 prósentum sem Hou Yu-ih, frambjóðandi Kuomintang, hlaut.[3] Í sigurræðu sinni eftir kosningarnar sagði Lai niðurstöðuna vera sigur fyrir öll lýðræðisríki heims.[4] Antony Blinken, utanríkisráðherra Bandaríkjanna, og Yoko Kamikawa, utanríkisráðherra Japans, óskuðu Lai til hamingju með sigurinn. Þetta reitti stjórnvöld í Kína mjög til reiði, þar sem þau litu á óskirnar sem afskipti af kínverskum innanríkismálum.[5]
Tilvísanir
[breyta | breyta frumkóða]- ↑ Hugrún Hannesdóttir Diego (19. ágúst 2023). „Kínverjar halda heræfingar vegna millilendingar varaforseta Taívan í Bandaríkjunum“. RÚV. Sótt 16. janúar 2024.
- ↑ Hallgrímur Indriðason (13. janúar 2024). „Varaforseti Taívan með sigurinn vísan í forsetakosningunum“. RÚV. Sótt 16. janúar 2024.
- ↑ „Gagnrýnandi Rauða-Kína sigrar á Tævan“. Varðberg. 14. janúar 2024. Sótt 16. janúar 2024.
- ↑ Rafn Ágúst Ragnarsson (13. janúar 2024). „Lai Ching-te kjörinn forseti í Taívan“. Vísir. Sótt 16. janúar 2024.
- ↑ Oddur Þórðarson (15. janúar 2024). „Kínversk stjórnvöld óánægð með hamingjuóskir til nýkjörins forseta Taívan“. RÚV. Sótt 16. janúar 2024.
| Fyrirrennari: Tsai Ing-wen |
|
Eftirmaður: Enn í embætti | |||
Forsetar Lýðveldisins Kína | ||
|---|---|---|
| Forsetar lýðveldisins á meginlandi Kína (1912–1949) |
|  |
| Forsetar lýðveldisins á Taívan (1948–) |
| |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
