Líffræðileg fjölbreytni eða líffjölbreytni er hugtak sem nær yfir fjölbreytni vistkerfa og tegunda en einnig um fjölbreytni innan tegunda. Þegar talað er um fjölbreytni innan tegunda er átt við bæði útlit (svipgerð) og erfðir (arfgerð). Í dag lifa milljónir ólíkra tegunda lífvera á jörðunni. Þær eru niðurstaða 3,5 milljarða ára þróunar.

Mikilvægt er að tryggja að þeir ferlar sem liggja til grundvallar við myndun líffræðilegrar fjölbreytni fái að starfa óhindrað.

Árið 2010 var alþjóðlegt ár líffræðilegrar fjölbreytni.

Hugtakið varð fyrst almennt meðal náttúruverndarsinna og innan verndunarlíffræði á 9. áratug 20. aldar. Á ráðstefnu Sameinuðu þjóðanna 1992 sem haldin var í Rio de Janeiro í Brasilíu skrifuðu 150 þjóðir undir samning um verndun líffræðilegrar fjölbreytni (e. Convention on Biological Diversity, CBD). Í samningnum koma fram þrjú megin markmið, 1) verndun líffræðilegrar fjölbreytni, 2) sjálfbær nýting náttúrunnar og 3) jöfn og réttlát skipting ávinnings af notkun erfðaauðlinda^[1].

  Þessi líffræðigrein er stubbur. Þú getur hjálpað til með því að bæta við greinina.