Kristjana Stefánsdóttir (f. 25. maí 1968) hefur verið leiðandi tónlistarkona í íslenskri jazztónlist um árabil og verðlaunað tónskáld fyrir leiksýningar og söngleiki. Hún hefur hljóðritað bæði í eigin nafni og kemur reglulega fram í útvarpi, sjónvarpi og á tónleikum, bæði hérlendis og erlendis. Kristjana starfar reglulega með öðru tónlistarfólki ma. Stórsveit Reykjavíkur, Svavari Knút, Ragnheiði Gröndal, Daða Birgissyni, Kjartani Valdemarssyni og Sigurði Flosasyni og auk þess að starfa með sínum eigin böndum.

2005 Complete Vocal Institute Kaupmannahöfn í Danmörku

1 year professional singer course diploma

Cathrine Sadolin tækni

2001 Einkatímar í London, Englandi

Sigríður Ella Magnúsdóttir tækni

1999-2000 Konunglegi Listaháskólinn í Haag í Hollandi

BM gráða Cum Laude í Jazzsöng og jazzsöngkennslu

Rachel Gold jazzsöngur

Ineke Hijliger jazzssöngur

Keys Jan de Koning tækni

Eric Giben jazzspíanó

1996-98  Amsterdam/Hilversum Conservatorium

Gé Titulaer jazzsöngur

Annett Andriesen  tækni

Tina Schneider jazzspíanó

1990-1996  Söngskólinn í Reykjavík 8.stig

Guðmundur Jónsson tækni

Elísabet F. Eiríksdóttir tækni

Ólafur Vignir Albertsson meðleikur og þjálfun

1989-1990 Einkatímar

Sigrún Hjálmtýsdóttir, tækni

Fyrsta geislaplata hennar „Ég verð heima um jólin“ kom út árið 1996. Á þeirri plötu voru gestasöngvarar Páll Óskar Hjálmtýsson og Emilíana Torrini. Síðan þá hefur hún hljóðritað fjölda platna í eigin nafni. Það á meðal hljóðritaði hún 24 íslensk jazzsönglög á plötunni „Hvar er tunglið“ sem kom út árið 2006 og inniheldur tónlist Sigurðar Flosasonar við ljóð Aðalsteins Ásbergs Sigurðssonar.

Hún syngur reglulega með Stórsveit Reykjavíkur og hefur unnið meðal annars með stjórnendunum á borð við Daniel Nolgard og Ole Kock Hansen. Hún hefur haldið tónleika víða erlendis meðal annars í Evrópu, Japan og Bandaríkjunum. Kristjana hefur í seinni tíð unnið meira með frumsamda tónlist og útsetningar auk þess að starfa við upptökustjórn á söng. Kristjana hefur starfað sem tónlistarstjóri og útsetjari fyrir Borgarleikhúsið í nokkur ár.

Kristjana hefur nokkrum sinnum verið tilnefnd til Íslensku tónlistarverðlaunanna fyrir plötur sínar. Árið 2009 hlaut hún Grímuverðlaunin ásamt kollegum sínum fyrir sýninguna Jesú litla og var einnig tilnefnd til fyrir tónlist sína og söng í sýningunni.

• 2012 Kristjana Stefáns BEZT Safndiskur með upptökum frá 1993-2011. Dimma ehf.
• 2011 Glæður hljómplata Dúetta samstarf með söngvaskáldinu Svavari Knút. Dimma ehf
• 2011 Galdrakarlinn í Oz- Tónlistin úr leiksýningunni. Útsetningar Kristjana Stefánsdóttir. 12 Tónar ehf.
• 2008 Better Days Blues Sólóplata með frumsömdu efni í bland við annað, Dimma ehf
• 2007 Kristjana and Agnar BEST (Safndiskur með bestu upptökum Kristjönu og Agnars Más gefin út í Kóreu)
• 2006 Hvar er tunglið? Kristjana syngur lög Sigurðar Flosasonar við ljóð Aðalsteins Ásbergs Sigurðssonar, Dimma ehf
• 2005 Ég um þig Kristjana og Agnar, Drew Gress og John Hollenbeck, Dimma ehf
• 2005 Jól hljómplata Tríó Björns Thoroddsen flytur þekkt jólalög í eigin útsetningum. JR Music ehf
• 2003 Í Reykjavíkurborg Ýmsir með Stórsveit Reykjavíkur, útsetningar eftir Veigar Margeirsson.
• 2002 Fagra veröld Lög Sunnu Gunnlaugsdóttur við ljóð eftir Tómas Guðmundsson, Stein Steinarr, Sigurbjörgu Þrastardóttur og fleiri.
• 2002 Guðmundar vaka Upptökur frá minningartónleikum Guðmundar Ingólfssonar á Jasshátíð Reykjavíkur 2001.
• 2001 Kristjana hljómplata Sólóplata. (útgefin í Japan 2005)
• 1996 Ég verð heima um jólin Kvartett Kristjönu Stefáns (endurútgefið 2006 hjá Dimmu ehf)

• Heimasíða Kristjönu Geymt 9 mars 2014 í Wayback Machine