Ingiríður Danadrottning
Ingiríður Danadrottning (Ingrid Victoria Sofia Louise Margareta) (28. mars 1910 – 7. nóvember 2000) var drottning Danmerkur frá 1947-1972 en Ingiríður var eiginkona Friðriks 9. Danakonungs. Dóttir þeirra er Margrét Þórhildur sem var drottning Danmerkur árin 1972 - 2024.
Ingiríður var dóttir Gústafs Adolfs 6. Svíakonungs og fyrstu konu hans Margrétar prinsessu af Connaught. Árið 1935 gekk Ingiríður í hjónaband með Friðriki, sem þá var krónprins Danmerkur. Hjónin eignuðust þrjár dætur, Margréti Þórhildi Danadrottningu, Benediktu prinsessu af Sayn-Wittgenstein-Berleburg og Önnu Maríu fyrrum Grikklandsdrottningu.
Friðrik eiginmaður Ingiríðar varð kóngur í Danmörku árið 1947 og Ingiríður varð þá drottning. Ingiríður breytti um margt ásýnd dönsku krúnunnar. Hún aflétti mörgum eldri hefðum krúnunnar og skapaði afslappaðra andrúmsloft við opinberar móttökur. Friðrik Danakonungur lést árið 1972 og dóttir þeirra Margrét Þórhildur varð drottning.
Heimild
[breyta | breyta frumkóða]Text is available under the CC BY-SA 4.0 license; additional terms may apply.
Images, videos and audio are available under their respective licenses.
