Húnabyggð
Húnabyggð | |
|---|---|
 Staðsetning Húnabyggðar | |
| Hnit: 65°40′N 20°18′V / 65.667°N 20.300°V | |
| Land | Ísland |
| Kjördæmi | Norðvesturkjördæmi |
| Þéttbýliskjarnar | Blönduós |
| Stjórnarfar | |
| • Sveitarstjóri | Pétur Arason |
| Flatarmál | |
| • Samtals | 4.489 km2 |
| • Sæti | 7. sæti |
| Mannfjöldi (2024) | |
| • Samtals | 1.349 |
| • Sæti | 31. sæti |
| • Þéttleiki | 0,3/km2 |
| Póstnúmer | 540, 541 |
| Sveitarfélagsnúmer | 5613 |
| Vefsíða | hunabyggd |
Húnabyggð er sveitarfélag við Húnaflóa á Norðurlandi vestra sem varð til við sameiningu Blönduósbæjar og Húnavatnshrepps árið 2022. Kosið var um sameininguna 19. febrúar 2022 og var hún samþykkt með 97,8% gildra atkvæða í Blönduósbæ og 62,3% gildra atkvæða í Húnavatnshreppi. Sameiningin tók gildi í kjölfar sveitarstjórnarkosninga 2022 en samhliða þeim kosningum fór fram könnun á meðal íbúa um nafn á hið sameinaða sveitarfélag. Nafnið Húnabyggð fékk þar 69% fylgi, Blöndubyggð 23% og Húnavatnsbyggð 8%.
Í atkvæðagreiðslu sem fram fór 8. til 22. júní 2024 samþykktu íbúar Húnabyggðar og Skagabyggðar að sameina sveitarfélögin.[1] Sameiningin tók gildi 1. ágúst sama ár undir nafni Húnabyggðar. Sitjandi sveitarstjórn í Húnabyggð varð jafnframt sveitarstjórn hins sameinaða sveitarfélags.[2]
Húnabyggð er á meðal stærstu sveitarfélaga landsins að flatarmáli og nær nú yfir alla Austur-Húnavatnssýslu að undanskildu Sveitarfélaginu Skagaströnd, frá Skaga upp á miðhálendið þar sem hlutar bæði Langjökuls og Hofsjökuls eru innan marka sveitarfélagsins og Kjalvegur þar á milli. Blönduvirkjun er einnig í sveitarfélaginu með tilheyrandi miðlunarlónum. Þéttbýli er á Blönduósi.
Sveitarstjórn
[breyta | breyta frumkóða]Núverandi sveitarstjórn var kjörin í sveitarstjórnarkosningunum 14. maí 2022. Skipting fulltrúa var eftirfarandi:
| Flokkur | Fulltrúar | |
|---|---|---|
| Sjálfstæðismenn og óháðir (D) | 4 | |
| Framsókn og aðrir framfarasinnar (B) | 3 | |
| H-listinn (H) | 1 | |
| Gerum þetta saman (G) | 1 | |
| Samtals | 9 | |
Sjálfstæðisflokkur og Framsóknarflokkur mynda saman meirihluta í sveitarstjórn.
Tilvísanir
[breyta | breyta frumkóða]- ↑ „Húnabyggð og Skagabyggð sameinast“. Visir.is. 22. júní 2024.
- ↑ „Sameining Skagabyggðar og Húnabyggðar formlega staðfest“. Húnabyggð. 29. júlí 2024.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
