Fronde
![](https://upload.wikimedia.org/wikipedia/commons/thumb/2/22/Episode_of_the_Fronde_at_the_Faubourg_Saint-Antoine_by_the_Walls_of_the_Bastille.png/220px-Episode_of_the_Fronde_at_the_Faubourg_Saint-Antoine_by_the_Walls_of_the_Bastille.png)
Fronde (franska: „handslöngva“) var borgarastyrjöld í Frakklandi sem stóð frá lokum Þrjátíu ára stríðsins 1648 til 1653. Stríð Frakklands og Spánar (1635–59) stóð á sama tíma. Styrjöldin hófst vegna mikilla óvinsælda ráðgjafa Loðvíks 14. konungs, Mazarins kardinála, og tilrauna hans til að bæta fjárhag ríkisins með nýjum sköttum. Fronde skiptist í tvö tímabil, Fronde Parlementaire 1648-1649 þegar frönsku dómþingin höfnuðu nýjum sköttum, og Fronde des nobles 1650-1653 þegar Loðvík af Condé leiddi uppreisn háttsettra aðalsmanna gegn konungi. Þrátt fyrir gífurlegar óvinsældir Mazarins meðal almennings í Frakklandi náðu hann og konungssinnar yfirhöndinni og höfðu sigur að lokum.
Text is available under the CC BY-SA 4.0 license; additional terms may apply.
Images, videos and audio are available under their respective licenses.