Þjóðfáni Kosta Ríka er byggður á hönnun sem gerð var árið 1848. Ríkisfáninn sem notaður er í opinberum erindagjörðum inniheldur skjaldarmerki Kosta Ríka. Borgaraleg útgáfa fánans inniheldur ekki skjaldarmerkið þar sem aðeins ríkisstjórninni er leyft að nota það.

Fáninn var formlega tekinn upp þann 27. nóvember 1906, með minniháttar breytingum á staðsetningu og hönnun skjaldarmerkisins. Fánanum var breytt til samræmis við breytingar á skjaldarmerkinu árin 1964 og 1998.^[1] Fáninn er, ásamt hinum, haítíska, bólivíska, ekvadorska og salvadorska, einn fimm þjóðfána þar sem mynd af fánanum birtist á fánanum sjálfum.

Litir	Blár	Rauður	Hvítur
RGB	0,43,127	206,17,38	255,255,255
Sextánundakerfi	#002B7F	#CE1126	#FFFFFF
CMYK	100 - 66 - 00 - 50	0 - 92 - 82 - 19	0 - 0 - 0 - 0

Mestallan nýlendutímann var Kosta Ríka syðsta fylki Höfuðsmannsdæmisins Gvatemala, sem var að nafninu til hluti af Nýja Spáni en var í reynd að mestu sjálfstjórnarsvæði innan spænska heimsveldisins. Landsvæðið sem nú er Kosta Ríka flaggaði því fánum spænska heimsveldisins til ársins 1823.

Kosta Ríka var hluti af Sambandslýðveldi Mið-Ameríku, fullvalda ríki í Mið-Ameríku, frá 1823 til 1841, og notaðist á þeim tíma við fána sambandslýðveldisins. Fylkið Kosta Ríka flaggaði þó sérstökum útgáfum af fána sambandslýðveldisins, gjarnan með innsigli fylkisins áfestu.

Þegar Sambandslýðveldi Mið-Ameríku var óformlega leyst upp árið 1841 gerði Kosta Ríka frekari breytingar á sinni útgáfu af fána sambandslýðveldisins.

Pacífica Fernández, eiginkona þáverandi forseta Kosta Ríka, José María Castro Madriz, hannaði núverandi útgáfu kostaríska fánans með láréttum borðum í bláum, hvítum og rauðum lit árið 1848. Fernández var innblásin af byltingunni í Frakklandi og stofnun annars franska lýðveldisins sama ár og notaði því liti franska fánans.

Blái liturinn táknar himininn, tækifæri, hugsjónasemi og þrautseigju. Hvíti liturinn táknar frið, visku og hamingju. Rauði liturinn táknar blóðið sem úthellt var við varnir ríkisins og hlýju og örlæti þjóðarinnar. Borðarnir eru í hlutföllunum 1:1:2:1:1.

Skjaldarmerki Kosta Ríka var einnig endurskoðað árið 1848 og staðsett í miðju fánans. Þegar skjaldarmerkinu var breytt árið 1906 var það sett inn á hvíta skífu á rauða borðanum á fánanum og síðar á sporöskju sem höfð er nær fánastönginni.

Á skjaldarmerkinu sést landræman á milli Kyrrahafs og Karíbahafs og á henni standa þrjú eldfjöll. Stjörnurnar sjö á skjaldarmerkinu tákna sjö héruð Kosta Ríka. Á hvítum borða er nafn landsins, Republica de Costa Rica, skrifað á spænsku. Þar fyrir ofan standa orðin America Central skrifuð á bláum borða, sem er hluti af arfleifð gamla mið-ameríska sambandslýðveldisins.

• 
  September 1821 – 6. júní 1823
• 
  6. júní 1823 – 4. mars 1824
• 
  4. mars – 2. nóvember 1824
• 
  2.–22. nóvember 1824
• 
  22. nóvember 1824 – 20. apríl 1840
• 
  21. apríl 1840 – 20. apríl 1842
• 
  September 1842 – 12. nóvember 1848
• 
  12. nóvember 1848 – 27. nóvember 1906
• 
  1906–1964
• 
  1964–1998

1. ↑ Tilskipun um fánabreytingar frá 1998^{[óvirkur tengill]} Skoðað 12. maí 2020 (á spænsku).