Eftirmáli er niðurlagsorð á bókmenntaverki eða leikverki og er stundum notað sem stílbragð í kvikmyndum. Eftirmáli í bókmenntum er oftast um höfund þess, verkið sjálft og tímabilið sem það er sprottið úr. Eftirmáli í leikritum og kvikmyndum er annars eðlis, þ.e. einhverskonar niðurlag á verkinu sem það fylgir, og segir annaðhvort af högum persóna eftir að sagan er fullsögð eða er lokahnykkurinn á verkinu sjálfu. William Shakespeare skrifaði oft eftirmála í lok leikverks, og er hann oftast fluttur af einni persónu verksins, sbr. í Rómeo og Júlíu.

Varast ber að rugla eftirmála^[1] í ofangreindri merkingu saman við eftirmál^[2] í merkingunni eftirköst, afleiðing. Eftirmál er hvorugkynsorð, og oftast haft í fleirtölu (dæmi: sem betur fer urðu engin eftirmál vegna atburðanna), en eftirmáli er karlkyns (dæmi: vandaður eftirmáli var í bókarlok). ^{[3] [4]}

• Formáli

1. ↑ „Beyging orðsins „eftirmáli"“. á Beygingarlýsingu íslensks nútímamáls
2. ↑ „Beyging orðsins „eftirmál"“. á Beygingarlýsingu íslensks nútímamáls
3. ↑ Morgunblaðið 1995
4. ↑ Morgunblaðið 1995

  Þessi bókmenntagrein er stubbur. Þú getur hjálpað til með því að bæta við greinina.