County Cork Contae Chorcaí
County Cork
Upplýsingar
Flatarmál:	7,508 km²
Höfuðstaður sýslu:	Cork
Kóði:	C (CK tillaga)
Íbúafjöldi:	518.128 (2011)
Hérað:	Munster

Cork-sýsla (Írska Contae Chorcaí, enska County Cork) er suðvestasta og stærsta sýsla Írlands, staðsett í Munster-héraði. Oft er hún kölluð „sýsla uppreisnarsegganna“ (e. “The Rebel County”), en það stafar af því að hún tók afstöðu gegn Breska heimsveldinu í flestum deilum sem komu upp. Cork er þekkt fyrir Blarney-steininn og bæinn Cobh (áður Queenstown), síðasta viðkomustað Titanic og höfnin sem um ein milljón írskra vesturfara fór frá á leið til Bandaríkjanna, Ástralíu, Nýja Sjálands, Kanada eða Suður-Afríku. Höfuðstaður sýslunar er samnefnd, Cork, sem er næststærsta borg írska lýðveldisins og höfuðstaður héraðsins Munster. Nafnið Chorcaí, eða Corcaigh, merkir mýri, en borgin Cork er byggð á miklu mýrarsvæði nálægt ánni Lee.

Áður fyrr var Cork-sýslu skipt í tvennt, en hinn hlutinn, sem vestari var, hét Desmond-sýsla.

Í Cork-sýslu eru tvö Gaeltacht svæði, þ.e. svæði þar sem írska er töluð sem aðalmál. Þau heita Múscraí (Muskerry), í norðurhluta sýslunar, og Oileán Chléire (Cape Clear), eyja í vesturhluta sýslunar sem ferja gengur til.

Mjög sérstæð mállýska írsku er töluð í Cork, kölluð Munster-írska. Hún er frábrugðin þeirri írsku sem töluð er í Connacht og Ulster bæði í framburði, hljóðkerfi og orðaforða. Dæmi:

• in aon chur (aðrar málýskur: ar chor ar bith; merkir „hvað sem því líður“)
• fé (aðrar málýskur: faoi; merkir „undir“)
• Gaelainn (aðrar málýskur: Gaeilge; merkir „írska“ (tungumálið))
• ná (aðrar málýskur: nach; merkir „[það er] ekki“)

s r b Sýslur Írlands
Sýslunum er raðað eftir héruðum
Connacht	Galway Leitrim Mayo Roscommon Sligo
Leinster	Carlow Dublin Dún Laoghaire–Rathdown Fingal Suður-Dublin Kildare Kilkenny Laois Longford Louth Meath Offaly Westmeath Wexford Wicklow
Munster	Clare Cork Kerry Limerick Tipperary Waterford
Ulster	Antrim† Armagh† Cavan Donegal Down† Fermanagh† Londonderry† Monaghan Tyrone†
Skáletruð heiti eru sýslur án stjórnsýslustöðu. (Innan sviga) eru síðari tíma sýslur. † eru hefðbundnar sýslur á Norður-Írlandi.