Mýrastör
Vísindaleg flokkun
Ríki: Jurtaríki (Plantae) Fylking: Dulfrævingar (Angiospermae) Flokkur: Einkímblöðungar (Monocotyledon) Ættbálkur: Grasbálkur (Poales) Ætt: Stararætt (Cyperaceae) Ættkvísl: Starir (Carex) Tegund: C. nigra
Tvínefni
Carex nigra (L.) Reichard
Samheiti
Carex acuta var. nigra L.

Mýrastör, mjógresi, þjalargras eða starungur (fræðiheiti: Carex nigra) er stör sem vex í Evrópu, vesturhluta Asíu, norðvestur-Afríku, austurhluta Norður-Ameríku og á Íslandi. Mýrastör vex upp af jarðstöngli sem dreifir sér með renglum. Blöð hennar eru mjó, dökk- eða blágræn. Mýrastörin hefur eitt karlax og tvö eða þrjú kvenöx sem sitja á stuttum legg. Axhlífarnar eru svartar með grænni miðtaug. Þá er hulstrið trjónulaust. Mýrastör vex í margvíslegu votlendi og er að jafnaði 15-80 cm á hæð. Mýrastör þykir ágæt beitarjurt.

Mýrastör ber, eins og svo margar aðrar starir, nokkur nöfn. Mýrastör lýsir heimkynnum hennar ágætlega, mjógresi lýsir vaxtarlaginu og þjalargras lýsir því hversu snörp blöð og stönglar eru viðkomu.

Wikimedia Commons er með margmiðlunarefni sem tengist Mýrastör.

Wikilífverur eru með efni sem tengist Carex nigra.

  Þessi líffræðigrein er stubbur. Þú getur hjálpað til með því að bæta við greinina.