Republiko Novgorod (Ruse: Новгоро́дская респу́блика, tr. Novgorodskaja respublika; IPA: [nəvgɐˈrotskəjə rʲɪsˈpublʲɪkə]; anciena Slavona: Новгородскаѧ земьлѧ / Novgorodskaja zemľa) esis vasta mezepokala Rusa stato qua extensis de Baltiko ad Urali, de la 12ma til la 15ma yarcenti, kun chef-urbo en Novgorod. Civitani referanta lua urbostato kam "lua majesto (o suvereno) sinioro Novgorod la Granda (Gosudař Gospodin Velikij Novgorod). La republiko prosperis kom la maxim estala portuo di Hanso-uniono.

Novgorod esis chef-urbo dil populo Rus til 882, kande la chef-urbo transferesis a Kiyiv. De lore til 1019 o 1020, ol apartenis a Kiyiva Rus.

Ye la 5ma di aprilo 1242, l'armeo di Alexandr Nevski, princo de Novgorod, vinkis armeo dil Ordeno di la Germana Kavalieri apud lago Peipus, ye la nuntempa frontiero inter Rusia ed Estonia. La batalio surnomizesis "batalio di Glacio", nam ol eventis sur la frostigita lago. La kavalieri egardis la batalio kom parto di nordala kruco-milito kontre pagani ed estal ortodoxa Kristani. Alexandr Nevski, qua esis exilita, esis retro-vokata da la civitani di Novgorod kande la kavalieri proximeskis. La batalio esis longa, e la kavalieri esis jenata pro la glitiganta glacio. Fine, multa kavalieri, restriktita adsur bordo di la lago, falis tra dina glacio e dronesis. Pro ca vinkeso, l'Ordeno di Germana Kavalieri ne pluse kampaniis kontre Novgorod ed altra Rusa teritorii.

v · d · m
Antiqueso	Frua Slavi
Supera Mez-Epoko	Volga-Bolgaria (7ma til 13ma yarcento) • Hazara Kaganio (7ma til 10ma yarcento) • Rusa Kaganio (8ma til 9ma yarcento)
Basa Mez-Epoko	Kiyiva Rus (9ma til 12ma yarcento) • Princio Vladimir-Suzdal‎ (12ma til 14 yarcento) • Republiko Novgorod (12ma til 15ma yarcento) • Grandadukio Moskva (1340-1547)
Modern epoko	Cario Rusia (1547-1721) • Rusa imperio (1721-1917)
20ma yarcento	RSS Rusia (1917-1991) e Soviet-Uniono (1922-1991)
nun	Rusa Federuro (1992 til nun)