Lena Meyer-Landrut
| Lena Meyer-Landrut | ||
| ||
| Profesiono: | kantistino | |
| Lando: |  Germania
| |
| Naskodato: | 23 di mayo 1991 | |
| Nasko-loko: | Hannover, Germania | |
| Retoloko: | https://www.lena-meyer-landrut.de/ | |
Lena Meyer-Landrut (n. 1991) esas yuna germana kantistino.
Ye la 12ma di marto 2010 Lena Meyer-Landrut ganis la germana qualifiko por la muzikala konkurso Eurovision Song Contest (Euroviziono Kanto Konkurso) 2010. El vinkis la konkurso en Oslo ye la 29 di mayo 2010 kantante la kanto Satellite (Satelito) en l'angla linguo. Esis la duesma foyo ke Germania ganis ica konkurso.
Lua unesma amba albumi My cassette player (2010) e Good News (2011) esis granda sucesi en Germania.
Anke en la yaro 2011 Lena Meyer-Landrut reprezentis Germania che la Eurovision Song Contest in Düsseldorf. El kantis la kanto Taken by a stranger (Facinata per stranjero) e finis ye la 10-esma rango.
Biografio
[redaktar | redaktar fonto]La patro di Lena abandonis la familio kande el evis du yari. Ja en l'evo di 5 yari Lena Meyer-Landrut lernis dansado e baleto. El ne havis sat pekunio por profesionala muzikala instrukto. El deskovresis quala kantistino per la famoza germana moderatoro Stefan Raab en la germana televiziono dum la talento-konkurso "Unser Star für Oslo" (Nia stelo por Oslo).
Lena Meyer-Landruth finis sucesoze ye la junio 2011 la skolo en Hannover.
Elua muzikala idoli esas Clueso, Adele, Kate Nash, Vanessa Carlton e la germana grupo Wir sind Helden (Ni esas heroi).
Lena Meyer-Landrut esas la nepotino di la germana diplomacisto Andreas Meyer-Landrut.
Extera ligili
[redaktar | redaktar fonto]
- Oficala ret-situo di Lena Meyer-Landrut
- La texto di la kanto "Satelito" en Ido
- Lena Meyer-Landrut fan site - about 200 Photos available for download
- La texto di la kanto "Facinata per stranjero" en Ido
Text is available under the CC BY-SA 4.0 license; additional terms may apply.
Images, videos and audio are available under their respective licenses.
