Kansas
| |||||||||||||||||||||||||||||||||||||||||||||||||||||||
Kansas esas Usana stato senlitora. Ol havas kom vicini Nebraska norde, Missouri este, Oklahoma sude, e Kolorado weste.
Bazala fakti pri Kansas.
Historio
[redaktar | redaktar fonto]La nomo dil stato originis de la fluvio Kansas. La vorto Kansas havas origino en indijena populo Kansa. Dum plu kam 1000 yari la regiono habitesis nur dal indijeni.
L'unesma Europano qua arivis ibe esis Hispana Francisco Vázquez de Coronado, qua exploris la regiono en 1541. En 1803, granda parto di la nuna Kansas aquiresis de la Francia dum la kompro di Louisiana. Tamen, la sud-westo di Kansas restis parto di Hispana imperio e pose di Mexikia e di republiko Texas til la fino di la milito Usana-Mexikiana en 1848, kande la regiono cedesis ad Usa.
De 1812 til 1821 Kansas apartenis a lora teritorio Missouri. En 1827, Fort Leavenworth divenis l'unesma Usana kolonieto che la futura stato.[1] La koloniigo kreskis en la regiono pos la yari 1830a. La Treko Santa Fe (Santa Fe Trail) trairis la teritorio de 1821 til 1880, ed uzesis por transportar industriizita vari de Missouri, ed arjento e peli de Nova-Mexikia.
Kansas divenis Usana stato ye la 29ma di januaro 1861. Pro demando da Metodisti ed altra evangeliala protestanti, Kansas esis un ek l'unesma stati Usana qui proskriptis alkoholoza drinkaji. Tamen, ca proskripto revokesis en 1948. En 1922, Ella Uphay Mowry divenis l'unesma muliero en Usa qua kandidatis su kom guberniestrino.
Geografio
[redaktar | redaktar fonto]| Precipua artiklo: Listo di urbi en Kansas |
Stato jacas en centro di Usana teritorio. Ol havas 105 komtii e 628 urbi.
Lua maxima altitudo esas 1231 m, an la Monto Sunflower. La maxim importanta rivero dil stato esas Missouri, nord-weste del stato.
Ekonomio
[redaktar | redaktar fonto]En 2014, la totala statala produkturo di Kansas esis 140,96 miliard Usana dolari. Cirkume 90% de la lando dil stato uzesas por agrokultivo, nome frumento, sorgumo, soyo, kotono e sunofloro, e l'edukado di porki, bovi e mutoni. En 2018, existis 59 mil farmeyi en la stato, di qui 84 havis certifikuro pri praktiki di tale nomizita "organika kultivado".
Referi
[redaktar | redaktar fonto]- ↑ A Brief History of Fort Leavenworth - Dato di publikigo: 1983. URL vidita ye 24ma di januaro 2019.
| Stati di Usa |
|---|
|
Alabama • Alaska • Arizona • Arkansas • Connecticut • Delaware • Florida • Georgia • Havayi • Idaho • Illinois • Indiana • Iowa • Kalifornia • Kansas • Kentucky • Kolorado • Louisiana • Maine • Maryland • Massachusetts • Michigan • Minnesota • Mississippi • Missouri • Montana • Nebraska • Nevada • Nordal Karolina • Nordal Dakota • Nova-Hampshire • Nova-Jersey • Nova-Mexikia • Nova-York • Ohio • Oklahoma • Oregon • Pensilvania • Rhode Island • Sudal Karolina • Sudal Dakota • Tennessee • Texas • Utah • Vermont • Virginia • Washington • Westal Virginia • Wisconsin • Wyoming |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
