Deutsche Welle (literale "Germana Ondo") o DW esas la publika internaciona brodkasterio di Germania.  Olua servi esas recevebla en triadek lingui.  La satelitala televizion-servo di DW konsistas ek kanali en la angla, germana, hispana, ed araba.

DW anke ofras freque aktualigata artikli che sua enreta novaji-situo e jeras sua propra centro por internaciona komunikili-developo, DW Akademie.  La oficala skopi di DW esas reprezentar Germania kom "liberala, demokrata stato surbaze la regno di lego", produktar dependebla novaji, e provizar aceso a la germana linguo.

Deutsche Welle brodkastas depos 1953.  Lua chefkontoro esas en Bonn, ube lua radio-programi produktesas.  Televizion-programi produktesas preske tote en Berlin.  La responso pri la novaji-situo di DW dividesas inter la du loki.

Cirkume 3.000 homi laboras che Deutsche Welle en plu kam sisadek landi.  Segun DW, lua produkturo atingas 100 milion homi cirkum la mondo singla-semane.  La direktisto generala di DW esas Peter Limbourg.