Alexandre François
Ni Alexandre François ket maysa a Pranses a lingguista nga espesialisado iti deskripsion ken ti panagadal kadagiti indihenio a pagsasao ti Melanesia. Isu ket maitagikua iti LACITO, ti maysa a sentro ti panagsukisok iti CNRS a mangidedikado iti lingguistika ken antropolohia.
Nakaaramiden isuna kadagiti obra a naipangpangruna kadagiti akin-amianan nga isla ti Vanuatu, nga ammo a kas dagiti Is-isla Torres ken Bankas, ti maysa a lugar nga adda ay laeng dagiti sangapulo ket pito nga agdama pay laeng a naisasao. Isu ket nakaipablaak kadagiti deskriptibo a pakaammo iti Mwotlap (2001, 2003), ti pagsasao a kaaduan ti mangisasao iti dayta a lugar.
Idi 2002, inpablaakna iti maysa a monograpo a deskripsion iti Araki, ti maysa a nakaro a naisagmak a pagsasao a naisasao iti bassit nga isla iti abagatan ti Espiritu Santo (Vanuatu).
Idi 2005, isu ket nakibinglay iti maysa a sientipiko nga ekspedision iti Vanikoro (Is-isla ti Solomon), a ti gandatna idi ket ti mangawat iti rebbek ti limned a barko ti Pranses a nabigador a ni La Pérouse idi 1788.[1] Kas maysa a kameng ti multidisiplinario a timpuyogan, isu ket nangirehistro iti masasao a tradision kadagiti populasion ti Melanesia ken Polinesia iti daytoy nga isla, a maipanggep kadagiti nadayeg a representasion iti daytoy a naipakasaritaan a pasamak. Iti dayta nga okasion, dinokumentuanna pay dagiti tallo a pagsasao a naisasao idiay Vanikoro.
Dagiti nagibasaran
[urnosen | urnosen ti taudan]- ^ See press release in The Times, 13 Mayo 2005.
Dagiti akinruar a silpo
[urnosen | urnosen ti taudan]| Sapasap | |
|---|---|
| Dagiti nailian a biblioteka | |
| Dagiti sientipiko a database | |
| Dadduma | |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
