Noi Cives (german: Wir Bürger) es un liberal-conservativ political partise in Germania. It esset fundat li 19-im de julí 2015 del moderat fraction del dextri-conservativ partise Alternative por Germania con li nómine Alliantie por Progress e Departe.

Noi Cives esset fundat quam li 19-im de julí 2015 de Kassel. Li unesim presidente del partise es li ex-presidente del partise Alternative por Germania Bernd Lucke in un incontra del functionarios del organisation Weckruf 2015.

Li fundation del partise esset organisat per li political asociation Weckruf 2015 quam Alliantie por Progress e Departe. In li novembre 2016 li partise devet changeat su nómine in Liberal-Conservativ Reformatores pro que un tribunale decidet que li abreviation ALFA apartenet a un club. In li junio 2023 li partise changeat su nómine Liberal-Conservativ Reformatores (Liberal-Conservativ Reformatores) a Noi Cives (german: Wir Bürger).

Li partise esset representat in diversi parlamentes pro que membres parlamentari del Alternative por Germania transfertet al Liberal-Conservativ Reformatores. Pro to li partise esset representat in li national parlament de Germania, li Europan Parlament e diversi parlamentes del federal países de Germania, ma desde li januar 2023 li Liberal-Conservativ Reformatores ne esset plu representat in un parlament.

• Fundation: 19-im de julí 2015 in Kassel
• Political Direction: liberal-conservativ (self-perception), crticaci contra li europan comun valuta Euro
• Presidente: Jürgen Joost desde 2019.
• Generalsecretario: Petra Winkler
• Vice-Presidentes: Dirk Kosse, Frank Walter e Michael Streitberger
• Membres: circa 1000
• Sede del partise: Berlin
• Ex-mandates: Quin mandates in li Europan Parlament inter 2015 e 2019: Bernd Lucke, Ulrike Trebesius, Hans-Olaf Henkel, Joachim Starbatty e Bernd Kölmel. Inter 2021 e januar 2023 un mandate in li Europan Parlament per Lars Patrick Berg. Un mandate in li parlament de Germania 2021.

Tri mandates in li parlament del país federal Bremen: Christian Schäfer, Piet Leidreiter e Klaus Remkes

• 2015-2016 Bernd Lucke
• 2016-2017 Christian Kott
• 2017-2018 Bernd Kölmel
• 2018 16-im de octobre til 10-im de novembre Stephanie Tsomakaeva
• 2018-2019 Bernd Lucke
• 2019- Jürgen Joost

Li 23-im de august 2015 esset fundat li unesim organisation in un país federal, in Baden-Württemberg. Bernd Kölmel esset electet quam presidente del organisation in Baden-Württemberg. In li novembre 2016 li partise devet changeat su nómine in Liberal-Conservativ Reformatores pro que un tribunale decidet que li abreviation ALFA apartenet a un club.

Inter novembre 2016 e septembre 2017 Christian Kott esset li presidente del partise. In li annu 2017 li Liberal-Conservativ Reformares fat un consentiment con conservativ rebelles del Cristan Democratic Union de Germania. Li du organisationes volet cooperar in un nov fundat club con li nómine Futur Germania.

Pro li debil resultates li Liberal-Conservativ Reformatores ne partiprendet al electiones por li german parlament in li annu 2017. In li annu 2021 mult membres forlassat li partise pro li mal resultates in electiones e pro que li congress del partise esset renunciat in li annu 2021.

Desde junio 2023 li partise porta li nómine Noi Cives. Ye li 6-im april 2024 esset anunciat que li partise Noi Cives va fusionar con li partise Alliantie Germania.

• Baden-Württemberg 2016: 1,0 percentes
• Rhenland-Palatinia 2016: 0,6 percentes
• Saxonia-Anhalt 2016: 0,9 percentes,
• Mecklenburg-Vorpommeria 2016: 0,3 percentes
• Berlin 2016: 0,4 percentes
• Saarland 2017: 0,2 percentes
• Schleswig-Holsteinia 2017: 0,2 percentes.

• Internet-págine del partise Noi Cives