Քիմոլոս

Քիմոլոս
Կղզի
	Քիմոլոս
	յուն․՝ Κίμωλος
Երկիր	Յունաստան
Տարածութիւն	36 քմ²
ԲԾՄ	364 մեթր
Կը գտնուի ափին	Էգէական Ծով
Ժամային գօտի	UTC+2 եւ UTC+3։00
Փոստային ցուցանիշ	840 04

Միլոս եւ շուրջը՝ ձախին Անդիմիլոս, աջին Քիմոլոս եւ Փոլիէղոս

Քիմոլոս (յուն․՝ Κίμωλος), Էգէական Ծովուն Քիքլատես կղզեխումբին հարաւ-արեւմտեան կողմը գտնուող կղզի, Միլոս կղզիին հիւսիսը, Յունաստան։ Նաւահանգիստն է՝ Փսաթիս։

Տեղեկութիւններ

Աշխարհագրութիւն

«Ամոն նեղուց»ը (լայնք՝ 1 քլմ․ կամ՝ 0,54 ծովային մղոն) կը բաժնէ Քիմոլոսը Միլոս կղզիէ։ Քիմոլոսին հիւսիս-արեւելքը կը գտնուի Սիֆնոս կղզին (7,45 ծովային մղոն հեռաւորութիւն), իսկ հարաւ-արերեւլքը՝ 1,07 ծովային մղոն հեռաւորութեամբ կը գտնուի Փոլիէղոս կղզին։

Միլոս եւ Փոլիէղոս կղզիներուն միջեւ կը գտնուին Քասելես, Այիոս Եորղոս, Փիթէ, Մանոլոնիսի եւ Այիոս Էֆստաթիոս (կամ Փիրղի) կղզիկաները․ վերջինին վրայ կայ փարոս մը որ կը ծառայէ նաւարկութեան՝ ապահով ճեղքելու համար «Փիրղի նեղուց»ը։

Քիմոլոս հնկանկիւն կղզի է, 7 մղոն տրամագիծով եւ 40 քլմ․ ծովեզրով։ Փիրէայէն Փսաթիս հեռաւորութիւնն է 89 ծովային մղոն (165 քլմ․)։

Անուանում

Կղզին անունը յառաջացած է ճերմակ քարէն՝ քիմոլիա․ գրատախտակներուն վրայ գրելու համար կաւիճը։

Բնակավայրեր

Քիմոլոսի (մեծամասնութիւնը բնակուած մինակ ամառուան՝ զբօսաշրջիկութեան շրջանին) բնակավյրերն են Փսաթի, Ղուփա, Րեմա, Քարաս, Փրասա, Ալիքի եւ Պոնացա։

Պատմական

Հնագոյն տարիներ

Քիմոլոս բնակուած է հնագոյն ժամանակներէն։ Ծանօթ էր նաեւ Էհինուսա անունով․ հաւանաբար կղզիին վրայ բազմաթիւ օձերուն համար։ Հին ժամանակներուն նաւակայքին հետքերը կը գտնուին Էլինիքա կոչուած վայրը։ Յունապարսկական պատերազմին^[1] ընթացքին մաս կազմած է Աթէնքի դաշինքին։

Միջնադար - նորագոյն շրջան

Այս ժամանակաշրջանի պատմութիւնը հար ու նման է Քիքլատեսի պատմութեան^[2]։

Ժողովրդակագրութիւն

Վարչական

Կղզիին մայրաքաղաքն է Քիմոլոս Κίμωλος կամ Հորիօ Քիմոլուή Χωριό Κιμώλου։

Մնայուն բնակչութեան թիւն է՝ 911։

Կղզին մաս կը կազմէ Միլոս Շրջանային միաւորին։ Ունի առողջապահական կեդրոն, ոստիկանատուն, Նախակրթարան, Միջնակարգ եւ Երկրորդկան վարժարաններ, ինչպէս նաեւ դրամատուներ, նամկատուն։

Բնակիչներուն ապրուստը գլխաւորաբար զբօսաշրջիկութիւնն է (Զատիկի նախօրեակէն մինչեւ աշնան վերջը)՝ պանդոկներ, վարձու սենեակներ, ճաշարաններ, փոքր նաւերով պտոյտներ․․․։ Նաեւ կ՛ աշխատին իբրեւ նաւաստի, ձկնորս, առեւտրական եւ կղզիին ու Միլոսի մետաղահանքերուն մէջ։