Martin Haspelmath
| datum narodźenja: | 2. februara 1963 |
| městno narodźenja: | Hoya |
Martin Haspelmath (* 2. februara 1963 w Hoya) je němski rěčespytnik.
Žiwjenje
[wobdźěłać | žórłowy tekst wobdźěłać]Haspelmath studowaše 1983–1985 na Uniwersiće Wiena a 1985–1987 na Uniwersiće Kölna indogermanistiku, powšitkowny rěčespyt a slawistiku. 1988 sčini na University at Buffalo swój magistrowy eksamen w rěčespyće, 1989 swój magistrowy eksamen w slawistiku na uniwersiće Kölna. Po wukrajnym lěću na Lomonossow-uniwersiće w Moskwje dźěłaše 1990–1996 na swobodnej uniwersiće Berlina, hdźež 1993 promowowaše a 1996 tež habilitowaše.
Wot lěta 1998 je Haspelmath na Max-Planck-instituće za ewolucionarnu antropologiju w Lipsku přistajeny ale tež jako honorarowy profesor za rěčespyt na uniwersiće Lipska činity.
Slědźenje
[wobdźěłać | žórłowy tekst wobdźěłać]Slědźenske ćežišća Haspelmatha su syntaksowa teorija, morphologija, rěčny kontakt a rěčna přezměna ale tež rěčna typologija. Wažny projekt pod jeho wodźenju bě wudźěłanje wot World Atlas of Language Structures (WALS), kotryž so 2005 publikowaše a nětko tež online je přistupny. Nimo toho je Haspelmath Iniciator rěčespytneje online-encyklopedije Glottopedia.
Myta
[wobdźěłać | žórłowy tekst wobdźěłać]- Akademijowe myto 2007 Berlin-Braniborskeje akademije wědomosćow
Eksterne wotkazy
[wobdźěłać | žórłowy tekst wobdźěłać]- Martin Haspelmath – Literatura w katalogu Němskeje narodneje biblioteki (němsce)
- Oficielne websydło (jendź.)
- World Atlas of Language Structures (jendź.)
- Glottopedia
Text is available under the CC BY-SA 4.0 license; additional terms may apply.
Images, videos and audio are available under their respective licenses.
