Lěsny porstnik
| |
| Lěsny porstnik (Potentilla erecta) | |
| systematika | |
|---|---|
| Domena | Eukaryoty |
| Swět | Rostlinstwo |
| Rosidy Eurosidy I | |
| rjad: | (Rosales) |
| swójba: | Róžowe rostliny (Rosaceae) |
| podswójba: | (Rosoideae) |
| ród: | Porstnik[1][2] (Potentilla) |
| družina: | Lěsny porstnik |
| wědomostne mjeno | |
| Potentilla erecta | |
| (L.) Raeuschel. | |
Lěsny porstnik (Potentilla erecta, Syn.: Potentilla tormentilla) je rostlina ze swójby róžowych rostlinow. Druhe serbske mjeno je zawjaznik[3].
Synonymaj
[wobdźěłać | žórłowy tekst wobdźěłać]- Potentilla sylvestris Neck.
- Potentilla tormentilla Neck.
Wopis
[wobdźěłać | žórłowy tekst wobdźěłać]Lěsny porstnik je trajne zelo, kotrež docpěje wysokosć wot 10 hač do 30 cm. Wón je kosmata rostlina z njestajnje dulatym abo walcojtym, wonka ćmowobrunym, nutřka krejčerwjenym pjenkom.
Stołpiki steja zrunanje a su najčasćišo wot spódka wobšěrne.
Łopjena
[wobdźěłać | žórłowy tekst wobdźěłać]Spódnje łopjena su dołhe, ćeńkostołpikate, 3-dźělene a chětře wjadnjace. Stołpikowe łopjena su krótkostołpikate hač do sedźace, najčasćišo 5-ličbowe. Łopješka docpěja dołhosć wot 1 hač do 2 cm a su hrubje zubate.
Kćenja
[wobdźěłać | žórłowy tekst wobdźěłać]Wón kćěje wot apryla hač do julija (wot meje hač do awgusta). Kćenja docpěja wulkosć wot 1 cm a njesu 4 tróšku zažłobjene krónowe łopješka.
Stejnišćo
[wobdźěłać | žórłowy tekst wobdźěłać]Wón rosće na suchich łukach, płonych bahnach, holach, słónčnych zwisach, skłoninach, we swětłych lěsach a na lěsnych pućach. Ma radšo małowutkate, často kisałe pódy.
Přestrjeń
[wobdźěłać | žórłowy tekst wobdźěłać]Lěsny porstnik je w Europje, Aziji a sewjerej Americe rozšěrjeny.
Nóžki
[wobdźěłać | žórłowy tekst wobdźěłać]- ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 358.
- ↑ W internetowym słowniku: Fingerkraut
- ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 646.
Žórła
[wobdźěłać | žórłowy tekst wobdźěłać]- GU Maxi-Kompaß Blumen, ISBN 3-7742-3852-9, strona 48 (němsce)
- GU Naturführer Blumen, ISBN 3-7742-1507-3, stronje 52-53 (němsce)
- Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 260 (němsce)
Eksterne wotkazy
[wobdźěłać | žórłowy tekst wobdźěłać]
Lěsny porstnik. W: FloraWeb.de. (němsce)
- BioLib (čěsce), (jendź.)
- Botanický herbář (čěsce)
- G. Madaus: Lehrbuch der biologischen Heilmittel (němsce)
- USDA plants database (jendź.)
- crescent bloom (jendź.)
- Plants for a Future (jendź.)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
