Kurska kosa
![](https://upload.wikimedia.org/wikipedia/commons/thumb/f/f7/Nidos_kopos_2008.jpg/220px-Nidos_kopos_2008.jpg)
Kurska kosa (litawsce Kuršių nerija, rusce Куршская коса/Kuršskaja kosa, němsce Kurische Nehrung) je 98 kilometrow dołhi wuski wuběžk kraja mjez Baltiskim morjom a Kurskim zaliwom w južnym Baltikumje. Sewjerna połojca kosy słuša k Litawskej, južna k ruskej oblasći Kaliningrad. Z 3,8 kilometrami najšěrše městno namaka so pola litawskeho městačka Neringa, z 380 metrami najwuše při ruskim kóncu kosy.
Kosa wobsteji jeničce z pěska, tworjaceho hoberske nawěwy, pod kotrymž su so w zašłych lětstotkach wjacore sydlišća zhubili. Hakle w druhej połojcy 19. lětstotka je so kosa přez planowane zalěsnjenje stabilizowała. Přez cyłu kosu wjedźe dróha, na sewjernym kóncu kosy wobsteji přewoz do přistawneho města Klaipėda.
Eksistujetej dwaj narodnej parkaj, kotrejž škitatej cyłu kónčinu Kurskej Kosy, jedyn w oblasći Kaliningrad (załoženy 1987, rus. Национа́льный парк Ку́ршская коса́) a jedyn w Litawskej (załoženy 1991, lit. Kuršių Nerijos Nacionalinis Parkas). Kurska kosa słuša k swětowemu přirodnemu herbstwu UNESCO.
Wotkaz
[wobdźěłać | žórłowy tekst wobdźěłać]![](https://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Text is available under the CC BY-SA 4.0 license; additional terms may apply.
Images, videos and audio are available under their respective licenses.