Alpski dźećel

Alpski dźećel (Trifolium alpinum)
systematika
Domena	Eukaryoty
Swět	Rostlinstwo
rjad:	(Fabales)
swójba:	Łušćinowcy (Fabaceae)
podswójba:	Mjetelojte kwěty (Faboideae)
ród:	Dźećel[1][2] (Trifolium)
sekcija:	Lotoidea
družina:	Alpski dźećel
wědomostne mjeno
Trifolium alpinum
L.
Wikipedija:Projekt za botaniku
p • d • w

Alpski dźećel (Trifolium alpinum) je rostlina ze swójby łušćinowcow (Fabaceae), z roda dźećelow (Trifolium).

Alpski dźećel ma dwě warianće.

• var. alpinum
• var. nanum Rouy 1899

Alpski dźećel je naha, wjacelětna, zelišćowa, bjezstołpikata rostlina, kotraž docpěje wysokosć mjezy 5 a 15 cm. Ma čopojty korjeń z dołhosću wot hač do 1 m.

Łopjena su na spódku stejace, dołhostołpikate, 3-ličbne, ze šwižnymi łopješkami z dołhosću wot hač do 10cm. Łopješka su nahe.

Wón kćěje wot junija hač do awgusta. Kćenja su zrunane, stołpikate, mjasočerwjene hač do purpurčerwjene, wonjate. Wone steja z kiwkatych, dołhostołpikatych hłójčkach. Króna docpěje dołhosć mjezy 15 a 25 cm a po překćěću je bruna. Keluch je hromadźe rosćeny, 10-nerwny, nahi a ma šwižne třiróžkate keluchowe kónčki.

Alpski dźećel rosće na hłubokosahacych pódach, najčasćišo na silikatowej kamjeninje. Wón ma radšo małowapnate pódy. K jeho přirodnym stejnišćam liča seršćikotrawne a křiworěznowe trawniki .

Alpski dźećel je wot sewejrošpaniskeje horinow hač do Siebenbürgen rozšěrjeny, ale faluje w sewjernych wapnowych Alpach Awstriskeje a Bayerskeje, a južnych wapnowych Alpach wuchodnje wot Sexten.

Wotwar čopojteho korjenja bu w narodnej medicinje přećiwo nadrowym bolosćam wužiwany.

Tuta rostlinska družina je kaž pica woblubowana pola kruwow, wowcow, kamzykow a bobakow.

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 109.
2. ↑ W internetowym słowniku: Klee

• GU Maxi-Kompaß Blumen, ISBN 3-7742-3852-9, strona 111 (němsce)

Hlej wotpowědne dataje we Wikimedia Commons:
Alpski dźećel