Šekecy
Scheckwitz

DEC
gmejna:	Kubšicy
zagmejnowanje:	1936 (do Sowrjec)
wobydlerstwo:	33 (31. decembra 2021)[1]
přestrjeń:	1,19 km²
wysokosć:	238 metrow n.m.hł.
51.15555555555614.514722222222238 Koordinaty: 51° 9′ 20″ S, 14° 30′ 53″ W
póstowe čisło:	02627
předwólba:	035939
wotwodźene słowa:	wobydler/ka: Šekečan/-ka adjektiw: Šekečanski skłonowanje: Šekec, Šekecam, Šekecy, Šekecami, w Šekecach
Wuhlad z Wysokeje na Šekecy (nalěwo) a Sowrjecy
wikidata: Šekecy (Q160547)

Šekecy (němsce Scheckwitz) su hornjołužiska wjeska w sakskim wokrjesu Budyšin a słušeja z lěta 1950 ke gmejnje Kubšicy. Leža 238 m nad mórskej hładźinu a maja 33 wobydlerjow.^[2]

Wjes leži w Hornjołužiskich honach při puću mjez Sowrjecami a Kubšicami. We wsy wužórli so Šekečanska woda, kotraž ćeče potom do zapadneho směra, prjedy hač so zapadnje Kubšic do Wuježčanskeje wody wuliwa.

Michał Rostok naliči 1887 slědowace serbske ležownostne mjena: Majki (=na Majkach), Linda (=na Lindach), Jězor, Za dróhu, Haje, Wopuš, Mjez pućemi, Pola wětrnika.^[3]

Prěnje historiske naspomnjenje jako Czakewicz^[4] bě wokoło lěta 1400. Ležownostne knjejstwo měješe Budyska měšćanska rada. Přewažnje ewangelska ludnosć přisłuša Bukečanskej wosadźe.

Po Mukowej statistice z lětow 1884/85 rěčachu tehdy wšitcy 57 Šekečenjo serbsce.^[5]

1. ↑ staw: 31. decembra 2021; Podaća gmejnskeho zarjada Kubšicy
2. ↑ 31. decembra 2021; Podaća gmejnskeho zarjada Kubšicy
3. ↑ Michał Rostok: Ležownostne mjena. W: ČMS 40 (1887), str. 3–50, tu str. 6 (digitalizat).
4. ↑ Šekecy w Digitalnym stawizniskim zapisu městnow Sakskeje (němsce)
5. ↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski

 Commons: Šekecy – Zběrka wobrazow, widejow a awdiodatajow