Billey masthag
Duillagys as blaaghyn billey masthag
Rang oaylleeagh
Reeriaght: Plantae Rheynn: Magnoliophyta (neu-rheynnit): Eudicotyledoneae (neu-rheynnit): Rosidyn Oardagh: Sapindales Kynney: Anacardiaceae Genus: Pistacia Dooie: P. lentiscus
Ennym daa-ennymagh
Pistacia lentiscus L.

She billey yn-lhoamey 'sy chynney Pistacia eh billey masthag (Pistacia lentiscus). T'eh goll er troarey er son y rosin jeih-hoaral (masthag) echey. Ta ymmyd jeant jeh myr blasstan as myr gum. T'eh ry-vlastyn ayns bee Greagagh, Turkagh Egyptagh as Livaanagh, as liggaryn lheid as Mastichato. Myr gum, t'eh ry-gheddyn ayns cosmaidjyn, sooslagh feeackle as coorane. Ta ymmyd oardagh jeant jeh ayns myron, ny ooill casherick dys ny h-Agglishyn Cair-chredjuagh. Ayns çhynskyl, t'ad jannoo varnish jeh.

Ard-art: Masthag

Ta rosin jeih-hoaral biljyn masthag goll er çhaglym myr spios. Neayr's mysh BNJ50, ta troarey y rosin lhiettit da'n ellan Greagagh Chios 'sy Vooir Aejeeanagh.^[1] T'ad çhaglym eh liorish jannoo beamyn beggey 'sy roost oc, as lhiggey da'n tapp sheeley magh assdaue dys y thalloo. T'ad jannoo shen eddyr Mean Souree as Mean Fouyir. Ny yei shen, t'ad goonlaghey eh as cur eh fo y ghrian. T'eh goll er çhirmaghey ec y ghrian dys bineyn creoiey so-vrishey trooid-hoilshagh. Liorish caigney, t'eh boggaghey dys gum bane dullyr.

Ta tooilley mean ayns Wikimedia Commons bentyn rish: Billey masthag.

She bun ta'n art shoh. Cur rish, son foays y yannoo da Wikipedia.