જેટકનેક્ટ

જેટકનેક્ટ જે પહેલા જેટ એરવેઝ કનેક્ટના નામથી ઓળખાતી હતી, જેનુ માર્કેટીંગ નામ જેટ લાઇટ (ઇંડિયા) લિમિટેડ છે તે ભારતમા બોમ્બેમા આવેલી એક એરલાઇન છે.^[૧] જેટ એરવેઝ તેની માલિકી ધરાવે છે, જે ભારતના મોટા શહેરોને જોડ્તી સમયસર એરલાઇનની સુવિધા પુરી પાડે છે. અસલમાં તે તેના પોતાના નામ જેટ્લાઇટ દ્વારા ચલાવવામાં આવતી હતી, ૨૦૧૨થી તે જેટ્કનેકટના નામથી વેપાર કરવા લાગી.^[૨]

ઇતિહાસ

વિમાની કંપનીની સ્થાપના ૨૦ સપ્ટેમ્બર ૧૯૯૧ ના દિવસે થઇ હતી અને કાર્યની શરુઆત સહારા ઇન્ડિયા પરિવાર બિઝ્નેસ કોર્પોરેશનના ભાગરુપે ૩ ડિસેમ્બર ૧૯૯૩ના દિવસે બે બોઇંગ ૭૩૭-૨૦૦ વિમાન સાથે સહારા એરલાઇન્સના નામથી થઇ હતી. શરુઆતમાં સેવાનું પ્રાથમિક કેન્દ્ર દિલ્લીને મુખ્ય કેન્દ્ર રાખી ભારતના ઉત્તરીય વિભાગમા કેન્દ્રિત હતુ અને પછી સેવાને વધારીને આખા દેશમાં પુરી પાડી. સહારા એરલાઇન્સને ૨ ઓક્ટોબર ૨૦૦૦ ના રોજ એર સહારા નામ આપવામા આવ્યુ, તેમ છતા તેનું મુખ્ય નામ સહારા એરલાઇન્સ જ રહ્યુ. ૨૨ માર્ચ ૨૦૦૪ના રોજ ચેન્નાઇ થી કોલંબો સુધીની ઉડાનની શરુઆત થતા તે એક આંતરરાષ્ટ્રિય કેરિયર બન્યુ જે પછીથી લંડન^[૩], સિંગાપુર, માલદિવ્સ^[૪] અને કાઠમન્ડુ સુધી આગળ વધ્યુ. તેઓએ ૨૦૦૬માં શિયાળાથી ચાઇનાની ઉડાન સાથે ગોંગ્ઝુ સુધીની ઉડાનની સેવા સાથે ભારતની પહેલી ખાનગી કેરિયર સેવા બનવાની યોજના બનાવી હતી જે હકિકતમાં સંભવ થયુ નહતુ.

જેટ એરવેઝ દ્વારા ખરીદી

૧૯ જાન્યુઆરી ૨૦૦૬ના રોજ એરલાઇન માટે રોકડા ૫૦૦ મિલિયન ડોલરનો પ્રસ્તાવ મુકી જેટ એરવઝે તેનો કબ્જો મેળવવાના પહેલા પ્રયાસની ઘોષણા કરી. બજારમાં આ સોદા માટે ભેગી પ્રતિક્રિયા હતી, જેમા ઘણા પ્રુથ્થકરણવાદીઓ નુ સુચન હતુ કે જેટ એરવેઝ એર સહારા માટે વધારે રકમ ચુકવી રહી છે. ભારતીય નાગરિક ઉડ્ડયન મંત્રાલયે સિધ્ધાંતને મંજુરી આપી, પણ આગળ જતા સોદો કિંમત્ત અને જેટ અધ્યક્ષ નરેશ ગોયલની એર સહારા સાથેની મુલાકાતની અસમંતિ સાથે રદ્દ થયો. સોદાની નિષ્ફળતાને પગલે બન્ને કંપનીએ એકબીજા વિરુધ્ધ વળતર માટે દાવો કર્યો.

છેવટે બીજો સફળ પ્રયાસ ૧૨ એપ્રિલ ૨૦૦૭ ના રોજ થયો જેમાં જેટ એરવેઝ ૧૪.૫૦ બિલિયન આપવા સંમત થયુ. સોદાથી જેટને પારિવારીક શેરનો લગભગ ૩૨ % હિસ્સો મળ્યો.

૧૬ એપ્રિલના રોજ જેટ એરવેઝે ઘોષણા કરી કે એર સહારા જેટલાઇટ ના નામ થી ઓળખાશે.^[૧] કબજો મેળવવાની સત્તાવાર વિધી ૨૦ એપ્રિલ ના રોજ પુરી થઇ જ્યારે જેટ એરવેઝે ૪ બિલિયન ચુકવ્યા.